قر پرەزيدەنتىنىڭ جارلىعىمەن بەكىتىلگەن "قازاق ءتىلى ءالىپبيىن كيريلليتسادان لاتىن گرافيكاسىنا كوشىرۋ تۋرالى" جانە قر پرەمەر-ءمينيسترىنىڭ وكىمىمەن "قازاق ءتىلى ءالىپبيىن لاتىن گرافيكاسىنا 2025 جىلعا دەيىن كەزەڭ-كەزەڭىمەن كوشىرۋ جونىندەگى ءىس-شارالار جوسپارىن" جۇزەگە اسىرۋ ماقساتىندا، سەمەي قالاسىنىڭ تىلدەردى وقىتۋ ورتالىعىندا "جاڭا قازاق ءالىپبيىن وقىتۋ كابينەتى" اشىلدى.
-ورتالىقتىڭ باستى مىندەتى قالامىزداعى ەرەسەك تۇرعىندارى جاڭا الىپيگە ۇيرەتۋ - دەدى سەمەي قالاسىنىڭ تىلدەردى وقىتۋ ورتالىعىننىڭ باسشىسى زاۋرەش يساباەۆا. -جاڭادان اشىلعان بۇل كابينەتتە ۇلتتىق ءالىپبيدى وقىتۋ، سەمينار ترەنينگتەر، وقۋ كۋرستارى، لينگۆيست عالىمداردىڭ ونلاين ساباقتارى وتەدى.
اشىلۋ سالتاناتىنا قاتىسقان قالا اكىمىنىڭ ورىنباسارى ايدار سادىرباەۆ، لاتىن الىپبيىنە كوشۋ زامان تالابى ەكەنىن اتاپ ءوتتى.
-لاتىن ءالىپبيى ارقىلى الەمنىڭ 70%-ى اقپارات الماسادى. ءوز باسىم لاتىن الىپبيىنە كوشۋ جەڭىل بولادى دەپ ويلايمىن. بۇل وتكەنىمىزگە قايتا ورالۋ، رۋحىمىزدىڭ جاڭعىرعانىنىڭ جارقىن بەينەسى،-دەدى قالا اكىمىنىڭ ورىنباسارى.
العاشقى وقىتۋ كۋرستارىنا 45 ادام قاتىسادى. كۋرس قاتىسۋشىلارى سەمەي قالاسى اكىمشىلىگىنىڭ قىزمەتكەرلەرى. قالا تۇرعىندارى جاڭا ءالىپبيدى وقىتۋ ساباقتارىنا قىركۇيەك ايىنىڭ ءۇشىنشى دەكاداسىنان باستاپ قاتىسا الادى.
"ادىرنا" ۇلتتىق پورتالى
