QR Prezıdentiniń jarlyǵymen bekitilgen "Qazaq tili álipbıin kırıllıadan latyn grafıkasyna kóshirý týraly" jáne QR Premer-Mınıstriniń ókimimen "Qazaq tili álipbıin latyn grafıkasyna 2025 jylǵa deıin kezeń-kezeńimen kóshirý jónindegi is-sharalar josparyn" júzege asyrý maqsatynda, Semeı qalasynyń tilderdi oqytý ortalyǵynda "Jańa qazaq álipbıin oqytý kabıneti" ashyldy.
-Ortalyqtyń basty mindeti qalamyzdaǵy eresek turǵyndary jańa álipıge úıretý - dedi Semeı qalasynyń tilderdi oqytý ortalyǵynnyń basshysy Záýresh Isabaeva. -Jańadan ashylǵan bul kabınette ulttyq álipbıdi oqytý, semınar trenıngter, oqý kýrstary, lıngvıst ǵalymdardyń onlaın sabaqtary ótedi.
Ashylý saltanatyna qatysqan qala ákiminiń orynbasary Aıdar Sadyrbaev, latyn álipbıine kóshý zaman talaby ekenin atap ótti.
-Latyn álipbıi arqyly álemniń 70%-y aqparat almasady. Óz basym latyn álipbıine kóshý jeńil bolady dep oılaımyn. Bul ótkenimizge qaıta oralý, rýhymyzdyń jańǵyrǵanynyń jarqyn beınesi,-dedi qala ákiminiń orynbasary.
Alǵashqy oqytý kýrstaryna 45 adam qatysady. Kýrs qatysýshylary Semeı qalasy ákimshiliginiń qyzmetkerleri. Qala turǵyndary jańa álipbıdi oqytý sabaqtaryna qyrkúıek aıynyń úshinshi dekadasynan bastap qatysa alady.
"Adyrna" ulttyq portaly
