زاڭسىز بەرىلگەن جانە پايدالانىلماعان 10 ملن گەكتار جەر مەملەكەتكە قايتارىلدى. بۇل تۋرالى اۋىل شارۋاشىلىعى مينيسترلىگى ايتتى، دەپ حابارلايدى «ادىرنا» ءتىلشىسى.
«ونىڭ 2,8 ملن گەكتارى جەرگىلىكتى فەرمەرلەرگە، وڭىرلەردىڭ تۇرعىندارىنا قايتا ءبولىندى. بۇدان بولەك، وسىعان دەيىن پايدالانىلماعان 3,4 ميلليون گەكتار جەردى يەلەرى يگەرۋگە كىرىستى»،—دەلىنگەن حابارلامادا.
مينيسترلىك مەملەكەت باسشىسىنىڭ ءوز جولداۋىندا زاڭسىز ۇلەستىرىلگەن جانە پايدالانىلماي بوس جاتقان 10 ملن گەكتار جەردى مەملەكەت مەنشىگىنە قايتارۋ تۋرالى تاپسىرما بەرگەنىن اتاپ ءوتتى.
«ۇكىمەت بۇل تاپسىرمانى 2022-2023 جىلدارى تولىق ورىندادى. بۇگىندە اۋىل شارۋاشىلىعى مينيسترلىگى ەلدىڭ ستراتەگيالىق رەسۋرسىن ۇتىمدى پايدالانۋ جونىندەگى مىندەتتەر كەشەنىن ىسكە اسىرۋدى جالعاستىرۋدا. ال نەگىزگىلەرىنىڭ ءبىرى – اۋىلدىق وكرۋگتەردەگى ەلدى مەكەندەردىڭ اينالاسىنداعى جايىلىم تاپشىلىعىن ازايتۋ»،—دەپ تولىقتىردى باسقارمانىڭ ءباسپاسوز قىزمەتى.
