Қостанайда такси жүргізушісі өзін құтқару үшін полиция көлігіне соғылды, деп хабарлайды “Адырна” порталы.
«Қостанайда полицейлер такси жүргізушісін пышақпен қорқытқан ер адамды ұстады. Ол уақытша ұстау изоляторына қамалды. Оған төрт жылға дейін бас бостандығынан айыру қылмыстық жауапкершілігі тартылады», – деп хабарлады полиция департаментінің баспасөз қызметі.
Полицейлердің мәліметінше, 7 қаңтарға қараған түні Рудный қаласының екі тұрғыны таксимен облыс орталығына барған. Содан кейін жолаушы такси жүргізушісінің мойнына пышақ тақап, ақша талап етіп, оны басқа елді мекенге жеткізуін талап еткен.
«Полиция көлігін көрген такси жүргізушісі назар аударту үшін әдейі соқтығысқан. Жағдайды пайдаланып, ол қауіпсіз қашықтыққа қашып кеткен. Осы кезде күдікті оқиға орнынан қашып кетпек болған, бірақ оны патрульдік полиция қызметкерлері ұстады»,- делінген хабарламада.
Қылмыстық іс «Тонау әрекеті» фактісі бойынша сотқа дейінгі тергеу басталды.
Ведомство ешкім зардап шекпегенін атап өтті. Қызметтік автокөлікке жеңіл материалдық залал келтірілген.
