حالىقارالىق بوكس ۇيىمى الەۋمەتتىك جەلىدە ساۋالناما جۇرگىزدى
قازاقستاندىق بوكسشى گەننادي گولوۆكيننىڭ كەلەسى قارسىلاسى رەتىندە كىمدى كورگىڭ كەلەدى دەگەن ساۋالناما IBO-نىڭ Twitter-دەگى پاراقشاسىندا ءوتتى، دەپ حابارلايدى Sputnik قازاقستان.
ساۋالناما قورىتىندىسى بويىنشا ءبىرىنشى ورىندا – ساۋل الۆارەس (52-1-2, 34 كو). وعان بوكسسۇيەر قاۋىمنىڭ 59%-ءى داۋىس بەرگەن. ودان كەيىن دەمەتريۋس اندرادە (27-0, 17 كو), بيللي دجو سوندەرس (28-0, 13 كو) جانە دجەرمالل چارلو (28-0, 17 كو) جايعاستى.
ايتا كەتەيىك، گەننادي گولوۆكين IBO بەلبەۋىن 2011 جىلى جەڭىپ العان. قازاقستاندىق بوكسشى 2018 جىلدىڭ قىركۇيەگىندە ساۋل كانەلو الۆارەستان جەڭىلىپ، بەلبەۋىنە ايىرىلىپ قالدى.
گولوۆكيننىڭ سوڭعى جەكپەگى 9 ماۋسىم كۇنى ءوتتى. ول كانادالىق بوكسشى ستيۆ روللستى (19-1, 10 كو) ءتورتىنشى راۋندتا نوكاۋتقا ءتۇسىردى. كەيىن وتانداسىمىز مەكسيكالىق بوكسشى ساۋل كانەلو الۆارەسپەن جۇدىرىقتاسقىسى كەلەتىنىن ايتقان بولاتىن.
دەرەككوز: https://sputniknews.kz/sport/20190618/10584705/IBO-Golovkinnin-keles-arsylasyn-atady.html?fbclid=IwAR0u-8eiBzE43xFytykPDBFPrelN68lkSR0r4SbsMkexW2dIhd5vEBnJqCE
"ادىرنا" ۇلتتىق پورتالى