بۇگىن ءماجىلىستىڭ ەكونوميكالىق رەفورما جانە وڭىرلىك دامۋ كوميتەتىنىڭ وتىرىسىندا قر ساۋدا جانە ينتەگراتسيا ءمينيسترىنىڭ لاۋازىمىنا تاعايىندالاتىن باقىت سۇلتانوۆتىڭ كانديداتۋراسىن قولدادى، دەپ حابارلايدى قازاقپارات ءماجىلىستىڭ ءباسپاسوز قىزمەتىنە سىلتەمە جاساپ. بۇل ماسەلە «قازاقستان رەسپۋبليكاسىنىڭ پارلامەنتى جانە ونىڭ دەپۋتاتتارىنىڭ مارتەبەسى تۋرالى» قازاقستان رەسپۋبليكاسى كونستيتۋتسيالىق زاڭىنىڭ 22-1-بابىنا سايكەس كوميتەت وتىرىسىندا قارالدى. پرەمەر-ءمينيستردىڭ تاپسىرماسى بويىنشا كانديداتتى پرەمەر-مينيستر كەڭسەسىنىڭ باسشىسى عالىمجان قويشىباەۆ تانىستىرىپ، باقىت سۇلتانوۆتىڭ مول جۇمىس تاجىريبەسى بار ەكەندىگىن جانە قاجەتتى باسقارۋشىلىق قۇزىرەتكە يە ەكەندىگىن ايتتى. تالقىلاۋلار مەن سۇراق-جاۋاپ پروتسەدۋراسىنان كەيىن كوميتەت قر ساۋدا جانە ينتەگراتسيا ءمينيسترى لاۋازىمىنا تاعايىنداۋ ءۇشىن باقىت تۇرلىحانۇلىنىڭ سۇلتانوۆ كانديداتۋراسىن ۇسىنۋ مۇمكىنشىلىگى تۋرالى قورىتىندى قابىلدادى.
"ادىرنا" ۇلتتىق پورتالى
