Атырау облысында тұрғын үйлердің бірінде газ жарылып, үш айлық сәби қайтыс болды, деп хабарлайды "Адырна" ұлттық порталы «Ақ Жайық» сайтына сілтеме жасап.
«5 қаңтарда тұрғын үйдегі газ жарылысынан жарақат алған үш айлық бала жансақтау бөлімінде қайтыс болды», - деп хабарлады балалар ауруханасының баспасөз қызметі.
Бұған дейін ауруханада отбасының екі мүшесі қайтыс болған: 1965 жылы туған ер адам мен 1970 жылы туған әйел адам.
Естеріңізге сала кетейік, қайғылы оқиға 2 қаңтарда болған. Газдың жарылуынан кейін үйдің қабырғасы опырылып, өртке ұласқан. Оқиға кезінде үй ішінде бес адамнан тұратын отбасы болған. Олардың барлығы дене жарақаттарымен ауруханаға жатқызылды.
"Адырна" ұлттық порталы
