ايبەك نۇعىماروۆ الەمدىك گران-پري جەڭىمپازى!

309
تارباعاتاي اۋدانى، اقسۋات اۋىلىندا  ىرعىزباي دوسحاناۇلى اتىنداعى قازاق كۇرەسىنەن وتكەن الەمدىك گران-پري سىنىندا قازاقستاندىق ايبەك نۇعىماروۆ جەڭىسكە جەتتى.
وتكەن اپتادا نۇر-Cۇلتان قالاسىندا وتكەن “قازاقستان بارىسىنىڭ” جەڭىمپازى اتانعان بالۋان بۇل جولى دا بابىندا ەكەنىن كورسەتتى.

الەمنىڭ 28 ەلىنەن كەلگەن ارىستان جۇرەك پالۋاندار اراسىندا اقتىق سىنعا شىعۋ  ايبەككە وڭاي بولمادى. گرۋزين پالۋانىمەن وتكەن جارتىلاي فينالدان كەيىن ايبەكتى اقتىق سىندا وزبەكستاندىق مۇقسين حيسامەدينوۆ كۇتىپ تۇرعان. ەكەۋىنىڭ كۇرەسى ىرعىزباي دوسحاناۇلى اقسۋاتتىڭ ورتالىق ستاديونىنا جينالعان جۇرتتى ورنىنان تىك تۇرعىزدى. ايبەك جەڭىمپاز اتاندى. ال، گرۋزيالىق گەوردجي كاتارادزە ءۇشىنشى ورىنعا تابان تىرەدى  بەلدەسۋ اياقتالعاننان كەيىن ايبەك ءوز ويىمەن ءبولىستى.

"قازاقستان بارىسى" تۋرنيرىنەن كەيىن دەمالىپ ۇلگەرگەن جوقپىن. ءتۇرلى باسقوسۋلارعا، تەلەارناداعى تۇسىرىلىمدەرگە قاتىسىپ، شارشاعانىمدى بايقادىم. ءبىزدىڭ وڭىردە ءوتىپ جاتقان جارىس بولعان سوڭ، ۇيىمداستىرۋشىلار قولقا سالدى. باس تارتا المادىم، ەلىمنىڭ نامىسىن ابىرويمەن قورعاعانىما قۋانىشتىمىن. ماعان قولداۋ بىلدىرگەن اقسۋات جۇرتشىلىعىنا راحمەت. "تۇعىرى بيىك-تارباعاتاي" اتتى ونەر جانە سپورت فەستيۆالىن وتكىزىپ جاتقان تالعات مازباەۆ، دۋلات تاستەكەەۆ اعالارىما العىس بىلدىرەمىن",- دەدى ايبەك نۇعىماروۆ.

ناتيجەسىندە 70 كەلى سالماقتا قولا جۇلدەگە مولدوۆا سپورتشىسى گەوردجە روكۋ، كۇمىسكە قازاقستاندىق وسكەن تولەۋبەكوۆ، ال التىن جۇلدەگە گرۋزيالىق زۆياد ودوشەشۆيلي يە بولدى.

80 كەلى سالماقتا ءبىرىنشى ورىندى تاجىكستان سپورتشىسى حامروز رادجابو، ەكىنشى ورىندى گرۋزيالىق كاحا مومۋلاشۆيلي، ءۇشىنشى ورىندى قازاقستاندىق بەكزات ماناسباەۆ يەلەندى.

جەڭىمپازعا ۇيىمداستىرۋشىلار 2 ميلليون تەڭگە، ەكىنشى ورىنعا 1 ميلليون، ءۇشىنشى ورىن العان سپورتشىعا 500 مىڭ تەڭگە تابىستادى.

سپورتشىلاردى اتاقتى بوكسشى قانات يسلام، اقىن ءجۇرسىن ەرمان، اقسۋات اۋىلىنىڭ قۇرمەتتى ازاماتى تۇرسىن تاستەكەەۆتەر ماراپاتتادى.
قازاق كۇرەسى ءتۋرنيرى اياقتالعاننان كەيىن Qazaq Promotions كومپانياسىنىڭ ۇيىمداستىرۋىمەن كاسىپقوي بوكس كەشى ءوتتى. قازاقستاندىق ەلديار قامشىبەكوۆ، نۇرلان ساپارباي، نۇرسۇلتان امانجولوۆ سەكىلدى قازاق بوكسشىلارى شارشى الاڭعا شىعىپ، جۇرت الدىندا ءوز ونەرىن كورسەتتى.

"ادىرنا" ۇلتتىق پورتالى
پىكىرلەر