حالىقارالىق «تۇعىرى بيىك تارباعاتاي» فەستيۆالى 14-16 ماۋسىم ارالىعىندا شىعىس قازاقستان وبلىسى تارباعاتاي اۋدانىندا وتەدى.
شارا بارىسىندا قازاق كۇرەسىنەن تۋرنير، بوكس جانە 140 شاقىرىمعا ارنالعان ات بايگەسى وتەدى. ءباسپاسوز ءماسليحاتى بارىسىندا قازاق كۇرەسىنەن حالىقارالىق فەدەراتسياسىنىڭ اتقارۋشى ديرەكتورى تالعات مازيباەۆ جانە باس تورەشى ەدمار ابدۋللاەۆ سپورت جارىسىنىڭ ءوتۋ بارىسىنا توقتالدى.
حالىقارالىق گران-پري اياسىندا اقسۋات اۋىلىنداعى ىرعىزباي دوسحاناۇلى اتىنداعى ورتالىق ستاديونىندا 30 مەملەكەتتەن كەلگەن 90 بىلەكتى سپورتشى باق سىناسىپ، ات بايگەسىندە جۇيرىگى انىقتالاتىن بولادى. العاش رەت يتالياندىق سپورتشىلار قاتىسادى.
– بۇگىنگى تاڭدا ەۋروپالىق مەملەكەتتەردە قازاق كۇرەسىنە قىزىعۋشىلىق ارتىپ كەلەدى. وسى باعىتتا مەملەكەت تاراپىنان قولداۋ كورسەتىلىپ، اۋقىمدى جۇمىستار اتقارىلۋدا. نيدەرلاندىدا قازاق كۇرەسىنەن ەۋرازيا كۋبوگى وتكەن بولاتىن. ال وسى وتەتىن جارىستىڭ ەرەكشەلىگى -كەڭ دالادا، اشىق اسپان استىندا،– دەدى قازاق كۇرەسىنەن حالىقارالىق فەدەراتسياسىنىڭ توراعاسى تالعات مازيباەۆ. شقو دەنەشىنىقتىرۋ جانە سپورت باسقارماسىنىڭ باسشىسى دەنيس رىپاكوۆ سپورتشىلارعا ساتتىلىك تىلەدى. - ءبىزدى كەرەمەت تۋرنير كۇتىپ تۇر. ۇلكەن جەڭىس پەن مىقتى باسەكەنىڭ كۋاسى بولامىز. بۇل اۋقىمدى شارانىڭ كوكجيەگىن جىلدان جىلعا كەڭەيتىپ، جاقسارتا تۇسپەكپىز.
سونىمەن قاتار، 15 ماۋسىم كۇنى قازاقتىڭ كاسىپقوي بوكسشىسى قانات يسلامنىڭ قاتىسۋىمەن «QAZAQ promotions» قازاق بوكسشىلارىنىڭ كاسىپقوي بوكستا جەتىستىككە جەتۋىن قولداپ جۇرگەن پروموۋتەرلىك كومپانياسىنىڭ ۇيىمداستىرۋىمەن «ۇلى دالا باتىرلارى» اتتى بوكستان تۋرنير وتەدى.
16 ماۋسىم كۇنى تۇڭعىش حالىقارالىق «ۇلى دالا قازاناتى» اتتى كوكپەكتى اۋىلىنان اقسۋات اۋىلىنا دەيىن 140 شاقىرىمعا ارنالعان الامان بايگەسى ءوتىپ، 200 سپورتشى باق سىناسادى. باس جۇلدە – اۆتوكولىك.
ءدال وسى كۇنى ەلىمىزدىڭ تانىمال اقىندارى مەن حالىقارالىق ءتىل جۇيرىكتەرىنىڭ قاتىسۋىمەن «تۋعان جەرگە تۋىڭدى تىك» اتتى حالىقارالىق اقىندار ايتىسى وتەدى. ءۇش كۇنگە سوزىلاتىن اۋقىمدى شارا «مۋزارت» ۆوكالدى-اسپاپتىق ءانسامبلىنىڭ كونتسەرتىمەن اياقتالادى.
"ادىرنا" ۇلتتىق پورتالى
