پوليتسيا كارلوۆ ۋنيۆەرسيتەتىندەگى قايعىلى وقيعانىڭ قۇرباندارىنىڭ كىم ەكەنىن انىقتادى. جارالانعان 25 ادامنىڭ اراسىندا ءۇش شەتەلدىك بار، دەپ حابارلايدى «ادىرنا» ۇلتتىق پورتالى Euronews ارناسىنا سىلتەمە جاساپ.
وق اتقان ادام ءوز-وزىنە قول جۇمساعان. ونىڭ تاعى بىرنەشە كىسى ولىمىنە قاتىسى بولۋى مۇمكىن.
پراگا پوليتسياسىنىڭ باسشىسى پەتر ماتەيچيك مالىمەتىنشە، قازا تاپقانداردىڭ بارلىعى چەحيا ازاماتتارى. 25 ادام زارداپ شەكتى، ونىڭ ىشىندە ءۇش شەتەلدىك – ەكەۋى بىرىككەن اراب امىرلىكتەرىنەن جانە ءبىر نيدەرلاندىدان كەلگەن.
وق اتقان ازاماتتىڭ لاڭكەستىك توپتارمەن بايلانىسى جوققا شىعارىلادى. پوليتسيا ونىڭ جالعىز ارەكەت ەتكەنى تۋرالى قورىتىندى جاسادى.
ۋنيۆەرسيتەت شتابى ۇيىمداستىرعان ۋاقىتشا مەموريالدا ادامدار قۇربانداردى ەسكە الىپ، گۇل شوقتارىن كوتەرىپ، شام جاعىپ جاتىر. چەحيادا سەنبى قارالى كۇن بولىپ جاريالاندى.
حابارلانعانداي، مەملەكەت باسشىسى قاسىم-جومارت توقاەۆ چەحيا پرەزيدەنتى پەتر پاۆەلگە كوڭىل ايتۋ جەدەلحاتىن جولدادى.
ەسكە سالايىق، 21 جەلتوقساندا پراگاداعى كارل ۋنيۆەرسيتەتى عيماراتتارىنىڭ بىرىندە اتىس بولىپ, 15 ادام قازا تاپتى.
«ادىرنا» ۇلتتىق پورتالى
