وزبەكستان ەكولوگيا ءمينيسترىنىڭ كەڭەسشىسى، راسۋل كوشەرباەۆ رەسەيگە ورتالىق ازيا مەملەكەتتەرىن قوسۋ يدەياسىن ۇسىنعان رەسەيلىك جازۋشى زاحار پريلەپينگە جاۋاپ بەردى، دەپ حابارلايدى «ادىرنا» ءتىلشىسى.
«پريلەپين مىرزا مەن وزبەكستاندى باسىپ الماقشى بولىپ جاتقان باسقالارعا، ەڭ الدىمەن، ءوز تىلدەرىندە پوشيول نا ح.… وكىنىشكە قاراي، رەسەيلىك ساياساتكەرلەردىڭ مۇنداي مالىمدەمەلەرى جيىلەپ، ءتىپتى مۇلدە ازايماي وتىر. بۇل الاڭداتادى»،— دەدى ول ءوزىنىڭ تەلەگرام ارناسىندا.
ايتۋىنشا، وزبەك حالقى ەل تاۋەلسىزدىگىن ساقتاۋ قالۋ ءۇشىن بىرىگە الادى.
«وزبەكتەر باسقا ماقساتتا بىرىكپەسە دە، ەلدىڭ تاۋەلسىزدىگىن ساقتاۋ ءۇشىن بىرىگە الادى. كرەمل ۇلتتار اراسىندا سوعىس پەن دۇشپاندىق تۋدىراتىن مۇنداي شوۆينيستەرگە زاڭدى شارا قولدانۋى كەرەك. ايتپەسە، وزبەكستانعا باسىپ كىرۋدى كوپشىلىك رەسەيدىڭ بولاشاق ستراتەگيالىق جوسپارى دەپ ەسەپتەيدى»،- دەپ جازدى كوشەرباەۆ.
راسۋل كوشەرباەۆ بۇدان الدىن پارلامەنت دەپۋتاتى بولعان. ول پارلامەنت قابىرعاسىندا تاباندى مالىمدەمەلەر جاساپ، ۇستانىمىنا بەرىك ساياساتكەر رەتىندە ەستە قالعان.
