Özbekstan ekologiia ministrınıŋ keŋesşısı, Rasul Köşerbaev Reseige Ortalyq Aziia memleketterın qosu ideiasyn ūsynǧan reseilık jazuşy Zahar Prilepinge jauap berdı, dep habarlaidy «Adyrna» tılşısı.
«Prilepin myrza men Özbekstandy basyp almaqşy bolyp jatqan basqalarǧa, eŋ aldymen, öz tılderınde poşiol na h.… Ökınışke qarai, reseilık saiasatkerlerdıŋ mūndai mälımdemelerı jiılep, tıptı mülde azaimai otyr. Būl alaŋdatady»,— dedı ol özınıŋ telegram arnasynda.
Aituynşa, özbek halqy el täuelsızdıgın saqtau qalu üşın bırıge alady.
«Özbekter basqa maqsatta bırıkpese de, eldıŋ täuelsızdıgın saqtau üşın bırıge alady. Kreml ūlttar arasynda soǧys pen dūşpandyq tudyratyn mūndai şovinisterge zaŋdy şara qoldanuy kerek. Äitpese, Özbekstanǧa basyp kırudı köpşılık Reseidıŋ bolaşaq strategiialyq jospary dep esepteidı»,- dep jazdy Köşerbaev.
Rasul Köşerbaev būdan aldyn parlament deputaty bolǧan. Ol parlament qabyrǧasynda tabandy mälımdemeler jasap, ūstanymyna berık saiasatker retınde este qalǧan.
