دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسىندا «اق جول» پارتياسىنىڭ توراعاسى ازات پەرۋاشەۆ مالىمدەمە جاساپ، سايلاۋدىڭ ءادىل وتۋىنە كەپىلدىك سۇراعان. سايكەسىنشە، ۋاقىتشا پرەزيدەنت ءوز كەپىلدىگىن بەرىپ، ورتالىق سايلاۋ كوميسسياسىنا جانە جەرگىلىكتى مەملەكەتتىك ورگاندارعا دا ءتيىستى تاپسىرما بەرگەن ەدى. ايتكەنمەن، ۇگىت-ناسيحات باستالعان بويدا الەۋمەتتىك جەلىلەردە ءتۇرلى بەينەلەر تارالا باستادى. جۇرت نازارىنا ىلىككەن ۆيدەولاردىڭ باسىم كوبىندە ستۋدەنتتەردى ماجبۇرلەۋ، بيۋللەتەندەردى توپتاپ سالۋ، ءبىر ادامنىڭ بىرنەشە مارتە داۋىس بەرۋى سياقتى ءتۇرلى زاڭ بۇزۋشىلىقتاردى اشكەرەلەندى.
بۇل تۋرالى پارتيا توراعاسى ازات پەرۋاشەۆ: "وسك نەبارى 19 عانا اسا ماڭىزدى ەمەس زاڭ بۇزۋشىلىقتى دالەلدەگەن. ال، وبسە باقىلاۋشىلارى رەسمي ەسەپتە زاڭسىز بيۋللەتەندەردىڭ ءوزى 42 گە جەتكەنىن بايقادى. ەگەر ادەتتەگىدەي، كوپتەگەن زاڭ بۇزۋشىلىقتار باقىلاۋشىلاردىڭ نازارىنان تىس قالعانىن ەسكەرسەك، مۇنداي فاكتىلەر بىرنەشە ەسە كوپ دەپ ساناۋعا بولادى. دەمەك ورتالىق سايلاۋ كوميسسياسى تەك رەسمي ارىزداردى عانا ەمەس، فالسيفيكاتسيالار تۋرالى بارلىق اقپاراتتى قاراستىرۋى ءتيىس" - دەگەن مالىمدەمە جاسادى.
سىلتاۋى تاۋسىلمايتىن وسك بۇل رەتتە دە جالتارىپ وتىر. سايلاۋعا قاتىسىپ، سىرتتاي باقىلاۋشى بولعان تاۋەلسىز ازاماتتار مەن ازاماتشالاردىڭ فوتو-ۆيدەو فاكتىلەرىنە ءتيىستى جاۋاپ بەرۋدەن قاشادى. "كوزبەن كورىپ، قولىمەن ۇستاپ بەرگەن زاڭ بۇزۋشىلىق باسقا سايلاۋ ۋچاسكەسىندە تىركەلگەن" نەمەسە ء"بىزدىڭ ۇلتتىق مەنتاليتەتىمىز" دەپ اقتالۋدا. ارينە، مۇنداي سىلتاۋلار – قر زاڭىنا سايكەس قۇقىق بۇزۋشىلىق بولىپ تابىلاتىنىن ولار بىلمەسە كەرەك-ءتى. بىلسەدە اتا زاڭدى بەلدەن باسىپ وتىر.
بۇل رەتتە پارتيا بەلسىندىسى اتالعان جاعدايلارعا بايلانىستى، مۇقيات تەكسەرۋ جۇرگىزىپ، كىنالىلەردى جاۋاپكەرشىلىككە تارتۋ كەرەكتىگىن قاداپ ايتتى. ونىڭ پىكىرىنشە ادال جانە تازا سايلاۋ وتكىزىلگەن جاعدايدا كوشەدەگى تولقۋلار ورىن الماس ەدى دەگەن ويدا. سايكەسىنشە، پارلامەنت "كوشەدەگى حالىققا" ەمەس، ءوز مىندەتتەرىنە باس قاتىرار ەدى. قازاق مۇندايدى "قۇدا دا تىنىش، قۇداعي دا تىنىش" دەمەۋشى مە ەد؟!
"ادىرنا" ۇلتتىق پورتالى
