بۇل تۋرالى ورتالىق كوممۋنيكاتسيالار قىزمەتىنىڭ بريفينگىندە الماتى اكىمى ەربولات دوساەۆ مالىمدەدى.
تامىز ايىندا المالى اۋدانى اكىمدىگىنىڭ سىرتقى جارىق بويىنشا قىزمەت كورسەتۋ جونىندەگى پيلوتتىق جوباسى ىسكە قوسىلدى جانە وڭ ناتيجە كورسەتتى.
قىسقا مەرزىمدە وتىنىمدەردى قاراۋ ۋاقىتىن 4 ەسەگە (20 تاۋلىكتەن 5 تاۋلىككە دەيىن) قىسقارتۋعا مۇمكىندىك تۋدى. 4 830 شام اۋىستىرىلدى، 49,3 كم سىرتقى جارىقتاندىرۋ جەلىلەرى قالپىنا كەلتىرىلدى. ناتيجەسىندە المالى اۋدانىندا جانبايتىن جارىق نۇكتەلەرىنىڭ ۇلەسى 47% - دان 25% - عا دەيىن تومەندەدى. المالى اۋدانىنىڭ وڭ تاجىريبەسىن ەسكەرە وتىرىپ، قاراشا ايىندا قالعان 7 اۋدان «الماتى قالا جارىق» مكك-مەن شارت جاساستى. سىرتقى جارىقتاندىرۋدى قامتاماسىز ەتۋ اۋداندارعا بەرىلدى. بۇل سونىمەن قاتار قالا تۇرعىندارىنىڭ سۇرانىستارىنا جەدەل جاۋاپ بەرۋگە ىقپال ەتتى.
ساپالى سىرتقى جارىقتاندىرۋ ۇلەسى 2024 جىلى 85% - عا جانە 2025 جىلى 100% - عا دەيىن جەتكىزىلەتىن بولادى.
انىقتاما: قازىرگى ۋاقىتتا مىندەتتەمەلەردى جوسىقسىز ورىنداۋ سەبەبىنەن 2018 جىلى جاسالعان شارت بويىنشا ءمجا اياسىندا جەكە ارىپتەسپەن سوت تالقىلاۋلارى جۇرۋدە.
