ۇلتتىق قاۋىپسىزدىك كوميتەتىنىڭ قىزمەتكەرلەرى شەتەلدىك الاياقتارعا كومەكتەستى دەگەن كۇدىكپەن ەر ادامدى ۇستادى، دەپ حابارلايدى «ادىرنا» ۇلتتىق پورتالى ۇلتتىق قاۋىپسىزدىك كوميتەتىنىڭ ءباسپاسوز قىزمەتىنە سىلتەمە جاساپ.
«ۇلتتىق قاۋىپسىزدىك كوميتەتى پروكۋراتۋرامەن كەلىسە وتىرىپ، زاڭسىز تەلەفون بايلانىسىن ۇيىمداستىردى جانە تاسىمالدادى دەگەن كۇدىكپەن قازاقستان ازاماتىن ۇستادى. مالىمەتتەرگە سۇيەنسەك، ول شەتەلدىك شابۋىلداۋشىلارعا قازاقستانعا قوڭىراۋ شالۋعا كومەكتەسكەن.
«ول ءۇشىن شەتەلدىك نومىرلەردى قازاقستاندىق نومىرلەرگە اۋىستىرۋ ءۇشىن ارنايى تەحنيكا مەن زياندى باعدارلامالىق قامتاماسىز ەتۋ قولدانىلدى. ناتيجەسىندە كۇدىكتى ۇلتتىق بايلانىس وپەراتورلارىنا زيانىن تيگىزىپ، ارتىق پايدا تاپقان، ال شەتەلدىك الاياقتار ونىڭ قىزمەتىن پايدالانىپ، رەسپۋبليكا تۇرعىندارىن الداعان»، - دەپ حابارلادى ۇقك ءباسپاسوز قىزمەتى.
سوڭعى ءۇش جىلدا ەلىمىزدە 59 مىڭ ينتەرنەت-الاياقتىق فاكتىسى تىركەلگەن. كەلتىرىلگەن شىعىن 43 ملرد تەڭگەنى قۇرادى.
«ادىرنا» ۇلتتىق پورتالى
