قازاقستاندىق فايتەر شاۆكات راحمونوۆ بۇگىن لاس-ۆەگاستا وتكەن UFC 296 تۋرنيرىندە امەريكالىق ستيۆەن تومپسوندى جەڭدى، دەپ حابارلايدى "ادىرنا" ءتىلشىسى.
لاس-ۆەگاستاعى UFC 296 تۋرنيرىندەگى جەكپە-جەك 3 راۋندقا ەسەپتەلگەن. بىراق 2-ءشى راۋندا اياقتالدى.
راۋندتىڭ اياقتالۋىنا 4 سەكۋند قالعاندا شاۆكات راحمونوۆ قارسىلاسىن جىعىپ، جەڭىسكە جەتتى. قازاقستاندىق سپورتشى ءۇشىن بۇل ەڭ ءىرى پروموۋشەندەگى التىنشى جەكپە-جەك بولدى.
راحمونوۆ-تومپسون جەكپە-جەگى استانا ۋاقىتىمەن 09:40-تا باستالعان بولاتىن.
ەسكە سالا كەتەيىك، جەكپە-جەك الدىندا سپورتشى امەريكالىق قارسىلاسىن جەڭەتىنىن ايتقان بولاتىن.
ۇقساس جاڭالىقتار
