تاۋەلسىزدىك كۇنى – 1986 جىلعى جەلتوقسان وقيعاسىندا ەل ارمانىن ارقالاپ، الاڭعا شىققان بوزداقتاردىڭ كوزسىز ەرلىكتەرىنىڭ ناتيجەسى.
1991 جىلى 16 جەلتوقساندا «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» كونستيتۋتسيالىق زاڭعا قول قويىلدى. قازاقستاننىڭ مەملەكەتتىك تاۋەلسىزدىگى جاريالاندى.
قازاقستاننىڭ تاۋەلسىزدىگىن رەسمي تۇردە ەڭ العاش بولىپ مۇحيتتىڭ ارعى جاعىندا جاتقان امەريكا قۇراما شتاتتارى مويىندادى، ەكىنشى بولىپ قىتاي، سونان سوڭ ۇلىبريتانيا مويىندادى.
اتاۋلى مەرەكە 1991 جىلعى 16 جەلتوقساندا قازاقستان رەسپۋبليكاسىنىڭ تۇڭعىش پرەزيدەنتى ن.ءا.نازارباەۆ قول قويعان «قازاقستان رەسپۋبليكاسىنىڭ مەملەكەتتىك تاۋەلسىزدىگى تۋرالى» جانە 2001 جىلعى جەلتوقساننىڭ 13-ىندە «قازاقستان رەسپۋبليكاسىنداعى مەرەكەلەر تۋرالى» قازاقستان رەسپۋبليكاسى زاڭدارىنا سايكەس اتاپ وتىلەدى.
وتكەن جىلى قابىلدانعان شەشىم بويىنشا، تاۋەلسىزدىك كۇنى جەلتوقسان وقيعاسىن ەسكە الۋ كۇنى رەتىندە بەكىتىلدى. وسى وزگەرىستەردى ۇسىنعان مەملەكەت باسشىسى ق.توقاەۆ تاۋەلسىزدىك كۇنىنىڭ باستاپقى ءمانى جوعالمايتىنىن جەتكىزگەن بولاتىن.
«بىراق ول تاۋەلسىزدىك الۋعا زور ۇلەس قوسقان ۇلتتىق باتىرلارىمىزعا تاعزىم كۇنى رەتىندە اتاپ ءوتىلۋى كەرەك»، – دەگەن ەدى توقاەۆ.
