رەسەي فەدەراتسيا كەڭەسى كەزەكتى پرەزيدەنت سايلاۋىنىڭ مەرزىمىن بەلگىلەدى، دەپ حابارلايدى «ادىرنا» ۇلتتىق پورتالى.
پرەزيدەنت سايلاۋى 2024 جىلدىڭ 17 ناۋرىزىندا وتەدى.
رەسەي ورتالىق سايلاۋ كوميسسياسىنىڭ ءتورايىمى ەللا پامفيلوۆا رەسەيدىڭ تاريحىندا تۇڭعىش رەت پرەزيدەنت سايلاۋى «مۇنداي ۋىتتى گەوساياسي اتموسفەرادا وتەتىنىن» ايتتى.
ونىڭ ايتۋىنشا، 8 جەلتوقساندا رەسەي فەدەراتسياسىنىڭ ورتالىق سايلاۋ كوميسسياسى ءۇش كۇن ىشىندە – 15, 16 جانە 17 ناۋرىزدا پرەزيدەنت سايلاۋىندا داۋىس بەرۋ تۋرالى قاۋلى جوباسىن قارايدى.
ۋكراينانىڭ رەسەي فەدەراتسياسىنا قوسىلعان ايماقتارىندا سايلاۋ وتكىزۋ تۋرالى شەشىم 12 جەلتوقسانعا دەيىن قابىلدانادى. سونىمەن قاتار 2024 جىلعى رەسەي پرەزيدەنتىنىڭ سايلاۋىندا قاشىقتىقتان داۋىس بەرۋ قاراستىرىلماعان.
ايتا كەتەرلىگى، ۆلاديمير پۋتين 2024 جىلعى سايلاۋعا قاتىساتىنىن رەسمي تۇردە جاريالاعان جوق.
«ادىرنا» ۇلتتىق پورتالى
