اقىن، جازۋشى ۇلاربەك دالەيۇلىنىڭ حيكايالار جيناعى وقىرمانعا جول تارتتى، دەپ حابارلايدى "ادىرنا" ءتىلشىسى Kazinform-عا سىلتەپ.
ۇلاربەك دالەيۇلىنىڭ سۋ جاڭا جيناعى - «قارعىباۋلى قاسقىر». تۋىندىنىڭ تۇساۋكەسەرى استاناداعى ۇلتتىق اكادەميالىق كىتاپحانادا ءوتتى.
«قارعىباۋلى قاسقىر» اتتى كىتاپتا قازاق حالقىنىڭ ەجەلگى تاريحى، تايتالاسقا تولى اۋىر تاعدىر، سوعىستاعى ەرلىكتەر مەن ءور رۋحتى حالىقتىڭ عۇمىرى باياندالدى.
اۆتوردىڭ سوزىنشە، بۇل كىتاپتى جازۋداعى ماقسات — قازىرگى سان تاراۋعا بولىنگەن قوعامدى بىرىكتىرۋ، سونداي-اق ءوسىپ كەلە جاتقان جاس جىگىتتەردىڭ نامىس جىگەرىن وياتۋ بولعان.
«مەنىڭ باستى ماقساتىم — ءوزىنىڭ ۇلتتىق رۋحىنان اداسىپ، سانا ءتۇرلى باعىتقا ءبولىنىپ بارا جاتقان زامانداستارىمنىڭ باسىن بىرىكتىرۋگە ۇمتىلۋ. سونىمەن قاتار، ءوسىپ كەلە جاتقان جاس ۇرپاقتىڭ ۇلتتىق ساناسىنا سىلكىنىس جاساۋ بولاتىن. سول ءۇشىن وتكەن عاسىردا ارعى بەتتەگى قازاقتاردىڭ جاۋمەن كۇرەسۋدەگى ەرەكشە ەرلىكتەرىن تاريحي دەرەكتەرگە سۇيەنە وتىرىپ جازىپ شىقتىم. وسى الدىعا قويعان جوسپارىم ورىندالدى دەپ ويلايمىن، ويتكەنى كىتاپتى وقىعان بارلىق وقىرماندارىم جوعارى باعاسىن بەرىپ جاتىر»، - دەيدى اۆتور ۇلاربەك دالەيۇلى.
«قارعىباۋلى قاسقىر» اتتى جيناقتىڭ تۇساۋكەسەرىنە ءماجىلىس دەپۋتاتتارى قازىبەك يسا مەن ابزال قۇسپان، زيالى قاۋىم وكىلدەرى قاتىسقان.
