دوستار،
كەشە قر پرەزيدەنتiنiڭ سايلاۋى ءوتتi. مەن كوپ جىلدان بەرi سايلاۋلارعا ءجاي عانا كۇاگەر رەتiندە قاتىسىپ ءجۇردiم. مەنiڭ/سiزدەردiڭ نەمقۇرايلىعىم بiز نەگiزگi دەموكراتيالىق قۇندىلىقتاردان ايىرىلعانىمىزعا اكەلiپ سوقتى. مەن بۇرىن سايلاۋدىڭ جالعاندىعى، ادiلەتسiزدiگi تۋرالى كوپ ەستيتiنمiن. بiراق مەنiڭ ءوزiمنiڭ وعان كوزiم جەتپەگەندiكتەن، وعان iشكi سەنiمدiلiك بولماعاندىقتان مەن ۇندەمەدiم.
بۇل جولى مەن ءبارiن ءوز كوزiممەن كورiپ ءوز-وزiمە ەڭ ماڭىزدى سۇراققا جاۋاپ تاپقىم كەلدi. ول سۇراق - وسى سايلاۋ جۇيەسi حالىقتىڭ تالابىن دۇرىس جەتكiزە مە جوق پا؟ ول ءۇشiن مەن تاۋەلسiز باقىلاۋشى بولىپ تiركەلiپ ءوزiم سەنەتiن ادامداردى دا باقىلاۋشى بولۋعا شاقىردىم.
مەنiڭ 494 ۋچاسكەمدە ءبارi كەرەمەت ءارi ءمولدiر تۇردە ءوتتi. مەن بارلىق جەرگە باسىمدى سۇعىپ ءبارiن تەكسەردiم. تاڭعى ساعات 5-50-تەن تۇڭگi ساعات 23-16-عا دەيiن ءبارiن تولىقتاي باقىلادىم. ۋچاسكە مەن سەيفتi اشقاندا بيۋللەتەن سانىن ءوزiمiز ساناپ الدىق. كۇن بiتكەندە قولدانباعان بيۋللەتەندەردi جويدىق. بارلىق بەرiلگەن داۋىستاردى مۇقيات سانادىق. ارتىق بيۋللەتەن سىرتتان تاستالعان جوق. بەس ادام عانا وزدەرiنiڭ داۋىستارىن فوتوعا ءتۇسiرiپ وزدەرiنiڭ باسشىلارىنا جiبەردi. مەندە مەنi ارنايى تىنىش ۋچاسكەگە جiبەردi دەگەن كۇدiك تۋدى. مەنiڭ ۋچاسكەمنiڭ داۋىس بەرۋ ۋدەرiسiنiڭ ادiلەتتiگiنە مەن 99,99% كەپiل بەرە الامىن. تومەنگi فوتودا مەنiڭ 494 ۋچاسكەمنiڭ ناتيجەسi بiرiنشi بولىپ تۇر.
مەن تاعى دا 5 ۆوتساپ باقىلاۋشىلار توپتارىندا تiركەلگەن سوڭ، مەن ولاردىڭ iشiنەن ءوزiمنiڭ سەنەتiن باقىلاۋشىلارىم بار 19 ۋچاسكەلەرiنiڭ ناتيجەسiن الىپ ساراپتادىم. ولاردىڭ ۋچاسكەلەرiنiڭ ناتيجەسiنە مەن 90% سەنەمiن. قورىتىندى كەستەسiن تومەڭگi فوتودان قاراڭىز. بارلىق مالiمەتتەر ناقتى سايلاۋ كوميسسيالارىنىڭ پروتوكولدارىمەن دالەلدەڭگەن.
ەندi جالپى اسەرلەرiم جونiندە.
كەشە مەن سايلاۋ جۇيەسiنiڭ iشكi اسۇيiندە بولىپ شىقتىم. كوپتەگەن اسۇيلەردەگiدەي، ونىڭ iشiندە كورiكسiز دۇنيەلەر وتە كوپ.
بiرiنشiدەن، ورتالىق سايلاۋ كوميسسياسىنىڭ سايلاۋشىلار بەلسەندiلiگi جونiندەگi مالiمەتتەر مەن تاۋەلسiز باقىلاۋشىلارى بار ۋچاسكەلەردiڭ مالiمەتi جەر مەن كوكتەي. ايىرماشىلىعى ەكi ەسەگە دەيiن باردى. اقپارات جونiندە، بiزدiڭ بارلىق باقىلاعان ۋچاسكەلەرiمiزدiڭ بەلسەندiلiگi 32,58% بولدى.
ەكiنشiدەن، سايلاۋ ۇدەرiسiنiڭ ەرەجەلەرiن بۇزۋشىلىقتاردىڭ كوپتiگiن جانە ول الماتى قالاسىندا بولىپ جاتقانىن ەسكەرسەك، بارلىق قازاقستان بويىنشا سايلاۋدا قانشاما بۇزىلىم مەن جالعاندىق بولعانىن تۇسiنۋگە بولادى.
ۇشiنشiدەن، ۆوتساپتاعى حابارلار بويىنشا، بۇرمالاۋدىڭ باسىم بولiگi جوعارى وقۋ ورىندارى، مەملەكەتتiك مەكتەپتەر، بيۋدجەت قىزمەتكەرلەرi, اۋىل وڭiرلەرi مەن پوگون كيگەندەردەن بولدى.
تورتiنشiدەن، ەڭ جيi كەزدەسكەن زاڭدى بۇزۋشىلىق ول مەكەمە باسشىلارىنىڭ وزدەرiنiڭ قاراماعىندا iستەيتiن جۇمىسكەرلەرگە جاساعان قىسىم. ولاردىڭ قالاي داۋىس بەرگەنiن فوتوعا تۇسiرتكiزۋ.
بەسiنشiدەن، جالپى سايلاۋ زاڭى بويىنشا سايلاۋ ۇدەرiسi جاقسى جازىلعان. ماسەلەنiڭ بارلىعى باقىلاۋشىلاردىڭ ازدىعىندا، نە ولاردىڭ پاسسيۆتi نەمقۇرايلىعىندا. بiز، قوعام بولىپ، ءوزiمiزدiڭ نەمقۇرايلىعىمىزبەن سايلاۋ ۋچاسكەلەرiندە بولاتىن زاڭسىزدىققا جول بەرەمiز. باقىلاۋشىلاردىڭ قولدارىندا كوپ نارسە بار! مەن وعان ءوز كوزiم ابدەن جەتتi.
ەندi ناتيجەلەر جونiندە.
مەن ءوزiم سەنەتiن باقىلاۋشىلارى بار 20 ۋچاسكەلەردiڭ ناتيجەسiن تالدادىم. جالپى سايلاۋشىلار سانى 46 547 بولدى. سايلاۋعا 15 167 ادام نەمەسە 32,58% قاتىستى. توقاەۆقا 6 943 ادام نەمەسە 45,78% داۋىس بەرiلدi. قوسانوۆقا 6 576 ادام نەمەسە 43,36% داۋس بەرiلدi. قالعاندارىنا 1 107 ادام نەمەسە 7,3% داۋس بەرiلدi. وسى مالiمەتتەرگە سۇيەنسەك وندا 20 ۋچاسكەلەردiڭ ناتيجەسi بويىنشا ەكiنشi تۋر بولۋ كەرەك.
ايتپاقشى، ەگەر بويكوتشىلار سايلاۋعا قاتىسقاندا، قوسانوۆتىڭ بiرiنشi تۋردا جەڭۋگە ابدەن مۇمكiندiگi بولدى. مەن بولجاعانداي، بويكوتشىلار توقاەۆتiڭ مۇددەسiنە وينادى.
سiزدەردiڭ ەستەرiڭدە بولار، مەن سايلاۋدىڭ باسىندا، بورەيكو جۋرناليسiنە بەرگەن سۋحباتىمدا توقاەۆقا 69% جاسايدى، ال قوسانوۆقا 15% بەرەدi دەگەن بولجام جاساعانمىن. وسك مالiمدەمەسi بويىنشا سولاي بولدى.
سايلاۋ جۇيەسiنiڭ iشiندە بولىپ شىققان سوڭ مەن وزiمە كوپ نارسەنi ءتۇيiپ ءتۇسiندiم. ەلiمiزگە تەرەڭ ساياسي رەفورمالار كەرەك. مەن وعان ات سالىسىپ قولىمنان كەلگەننiڭ ءبارiن جاسايمىن. بiزدە ەندi ەكi-اق جول قالدى، ول ساياسي رەفورمالار نەمەسە الاڭعا شىعۋ. ساياسي رەفورمالاردى باستاۋ ءۇشiن بiزدە ۋاقىتتا كوپ ەمەس، ولاردى 3-5 اي iشiندە باستاۋ كەرەك. ولاي iستەمەسە حالىقتى الاڭنان ەشكiم توقتاتا المايدى.
سوندىقتان بيلiك سونى ەسكەرiپ قادام جاساۋ كەرەك، ايتپەسە كۇزiمiز ىستىق بولايىن دەپ تۇر.
