توقاەۆ دۋبايدا ءوتىپ جاتقان كليمات جونىندەگى دۇنيەجۇزىلىك سامميتكە قاتىستى

قاسىم-جومارت توقاەۆ دۋبايدا ءوتىپ جاتقان كليمات جونىندەگى دۇنيەجۇزىلىك سامميت (سور28) اياسىندا قازاقستاننىڭ جانە باسقا دا ەلدەردىڭ مەملەكەتتىك ورگاندارى مەن بيزنەس-قۇرىلىمدارى اراسىنداعى بىرقاتار كەلىسىمگە قول قويۋ راسىمىنە قاتىستى، دەپ حابارلايدى «ادىرنا» ۇلتتىق پورتالى اقوردانىڭ ءباسپاسوز قىزمەتىنە سىلتەمە جاساپ.

مەملەكەت باسشىسىنىڭ قاتىسۋىمەن مىناداي قۇجاتتارعا قول قويىلدى:

1. قازاقستان رەسپۋبليكاسى مەن بىرىككەن اراب امىرلىكتەرى اراسىنداعى جەل ەلەكتر ستانتسياسىن (1 گۆت) سالۋ جوباسىن جۇزەگە اسىرۋ تۋرالى ۇكىمەتارالىق كەلىسىم;
2. قازاقستان رەسپۋبليكاسىنىڭ ۇكىمەتى، «اقتاس ەنەردجي» جشس مەن TotalEnergies كومپانياسى اراسىنداعى «جامبىل وبلىسى ميرنىي كەنتى اۋماعىندا قۋاتى 300 مەگاۆاتت/600 مەگاۆاتت-ساعات بولاتىن ەنەرگيا جيناقتاۋشى اككۋمۋلياتورلىق جۇيەنى پايدالانا وتىرىپ، جالپى قۋاتى 1 گۆت جەل ەنەرگياسىن پايدالاناتىن ەلەكتر ستانتسياسىن ازىرلەۋ، سالۋ جانە پايدالانۋعا بەرۋ» جوباسىن ىسكە اسىرۋ جونىندەگى ينۆەستيتسيالار تۋرالى كەلىسىم;
3. قازاقستان رەسپۋبليكاسى ەنەرگەتيكا مينيسترلىگى، «سامۇرىق-قازىنا» اق مەن بىرىككەن اراب امىرلىكتەرى ينۆەستيتسيالار مينيسترلىگى اراسىنداعى قازاقستان رەسپۋبليكاسىنىڭ اۋماعىندا جالپى قۋاتى 10 گۆت بولاتىن تومەن كومىرتەكتى ەنەرگەتيكانى دامىتۋ بويىنشا ءوزارا تۇسىنىستىك تۋرالى مەموراندۋم;
4. Qazaqstan Investment Corporation كومپانياسى مەن ADQ اراسىنداعى ستراتەگيالىق سەرىكتەستىك بويىنشا ءوزارا تۇسىنىستىك تۋرالى مەموراندۋم.
5. «سامۇرىق-قازىنا» اق مەن ACWA Power كومپانياسى اراسىنداعى ەنەرگيا جيناقتاۋ جۇيەسى ارقىلى جيىنتىق قۋاتى 1 گۆت بولاتىن جەل ەلەكتر ستانتسيالارىن سالۋ جونىندەگى جوبانى بىرلەسىپ ازىرلەۋ تۋرالى كەلىسىم;
6. «سامۇرىق-قازىنا» اق مەن Presight.AI كومپانياسى اراسىنداعى تسيفرلاندىرۋ جانە اقپاراتتىق تەحنولوگيا سالاسىنداعى جوبالاردى ىسكە اسىرۋ ءۇشىن بىرلەسكەن كاسىپورىن قۇرۋ تۋرالى كەلىسىم;
7. «قازمۇنايگاز» ۇك» اق مەن AD Ports Group كومپانياسى اراسىنداعى قازاقستاندا كەمە جوندەۋ جانە كەمە جاساۋ كاسىپورنىن قۇرۋ بويىنشا ءوزارا تۇسىنىستىك تۋرالى كەلىسىم;
8. «قازاقستان تەمىر جولى» ۇك» اق مەن Abu Dhabi Ports Group كومپانياسى اراسىنداعى بىرلەسكەن كاسىپورىن قۇرۋ تۋرالى كەلىسىم;
9. «اتامەكەن» ۇلتتىق كاسىپكەرلەر پالاتاسى،  «SAFC» جشس مەن SEFE Marketing & Trading  كومپانياسى اراسىنداعى ورمان-كليماتتىق جوبالاردى ىسكە اسىرۋ بويىنشا ىنتىماقتاستىق تۋرالى مەموراندۋم;
10. «قازاتومونەركاسىپ» ۇاك» اق مەن Emirates Nuclear Energy Corporation كومپانياسى اراسىنداعى تابيعي ۋران كونتسەنتراتتارىن تاسىمالداۋ تۋرالى كەلىسىم.

«ادىرنا» ۇلتتىق پورتالى