تانىمال سپورتشى قۋات حاميتوۆ قازاق فۋتبولشىلارىن سىناپ، ولاردىڭ جەتىستىكتەرىنە كوڭىلى تولمايتىنىن ايتتى، دەپ حابارلايدى "ادىرنا" ءتىلشىسى.
ەرەجەسىز جەكپە-جەك شەبەرى ءوزىنىڭ Instagram پاراقشاسىنا فۋتبولشىلار تۋرالى بەينە-ۇندەۋىن جاريالادى.
نايمان اتىمەن تانىلعان سپورتشى فۋتبولشىلارعا كوڭىلى تولمايتىنىن جانە ولاردىڭ جالاقىسىنا توقتالدى.
“جىگىتتەرگە ايتارىم بار. مەن وسى فۋتبول تاقىرىبىن 2016-2017 جىلداردان بەرى كوتەرىپ كەلەمىن. سول كەزدەردەن بەرى ارالارىڭنان ءبىر ەر جىگىتتىڭ شىقپاعانى ما؟ بۇكىل فۋتبول قاۋىمداستىعىندا ءبىر جىگىت جوق پا؟ ءبارىڭ اۋىلدان شىعارسىڭدار، ەلدە جاعداي ناشار ەكەنىن كورىپ جۇرسىڭدەر عوي. اۋىلداردا جول، مەديتسينا، اۋرۋحانا، جەدەل جاردەم كولىگى جوق، نە جۇمىس جوق. جاستار قانداي ىسپەن اينالىسارىن بىلمەيدى. وسى كۇنگە دەيىن فۋتبولشىلاردىڭ اراسىنان ءبىر ادام شىعا ما دەپ كۇتتىم. “جىگىتتەر، حالىقتىڭ اقشاسىن العاندى توقتاتايىق، 30 جىلدا فۋتبولعا 1,5 ميلليارد اقشا كەتتى. كورسەتىپ جاتقان ناتيجەمىز جوق. نە ءبىر جارىستان ۇتپادىق. الەمدىك رەيتينگتە 99-100-ورىندا تۇرمىز. حالىقتى توناعاندى توقتاتىپ، دەمەۋشىنى ءوزىمىز تاۋىپ، شامامىز كەلگەنشە ءوزىمىز ناتيجە كورسەتەيىك» دەيتىن ءبىر جىگىت شىعا ما دەپ ەدىم! جوق»، – دەدى سپورتشى.فۋتبولدان ۇلتتىق قۇراما سپورتشىلارى ەۋروپا چەمپيوناتىنا ىرىكتەۋدە سلوۆەنيادان 2:1 ەسەبىمەن جەڭىلىپ، جارىس جولىنان شىققان ەدى. ال قفف پرەزيدەنتى باس باپكەرگە جاڭا كولىك سىيلادى.
ۇقساس جاڭالىقتار
