اق جول» پارتياسىنان پرەزيدەنتتىككە ۇمىتكەر پاۆلودار وبلىسىنىڭ تۇرعىندارىن ءوزىنىڭ سايلاۋالدى باعدارلاماسىمەن تانىستىرۋدا – بۇگىن دانيا ەسپاەۆا ەكىباستۇز قالاسىندا بولدى.
اتالمىش قالادا ۇمىتكەردىڭ ۇگىت توبى جەرگىلىكتى كاسىپكەر، ەنەرگەتيك جانە الەۋمەتتىك سالاداعى جۇمىسكەرلەرمەن كەزدەستى.
ەكىباستۇزدا ەنەرگەتيكا، كومىر ونەركاسىبى، باعالى مەتالداردى ءوندىرۋ سالالارى جاقسى دامىعان. بۇگىنگى تاڭدا قالادا 8 مىڭداي شاعىن جانە ورتا بيزنەس وبەكتى بار. بىلتىردىڭ وزىندە جاڭادان 15 جاڭا وبەكت اشىلدى.
جەرگىلىكتى بيزنەسمەندەرمەن قاتار بارلىق سايلاۋشىلاردى دانيا ەسپاەۆانىڭ سايلاۋالدى باعدارلاماسى قىزىقتىردى.
«باعدارلامادا كاسىپكەرلەرگە شاعىن بيزنەستى ىنتالاندىرۋ ءۇشىن سالىقتى تومەندەتۋ، سالالار ءۇشىن قوسىمشا قۇن سالىعىنىڭ مولشەرلەمەسىن ازايتۋ قاراستىرىلعان، - دەدى كاسىپكەر ۆيكتوريا وستريكوۆا. – تاۋار باعاسىنىڭ قۇنى وسىعان بايلانىستى بولعاندىقتان، بۇل وتە وزەكتى ماسەلە. ماعان شاعىن جانە ورتا بيزنەس ءۇشىن بانكتەگى نەسيە مولشەرلەمەسىن تومەندەتۋ تۋرالى ويى ۇنادى. بۇل دا كوكەيتەستى ماسەلە».
«اق جول» پارتياسىنىڭ ۇمىتكەرىمەن كەزدەسۋ بارىسىندا تۇرعىندار الەۋمەتتىك ماسەلەلەردى دە كوتەردى. ەكىباستۇزداعى حالىق سانى 150 مىڭنان اسادى. مۇندا مەتاللۋرگ، ينجەنەر، شاحتەرلەردىڭ اۋلەتى تۇرادى. قالا تۇرعىندارىنىڭ سوزىنشە، سوڭعى جىلدارى مەكتەپ بىتىرۋشىلەر كورشى مەملەكەتكە وقۋعا تۇسە باستاعان. ولار وندا تەحنيكالىق باعىتتاعى ساپالىراق ءبىلىمالىپ، جۇمىسپەن قامتىلادى.
«ءبىزدىڭ دارىندى جاستارىمىز سىرت جاققا كەتۋدە، بۇل ماسەلەگە باسا نازار اۋدارۋ قاجەت، - دەدى دانيا ەسپاەۆا. – بىرىنشىدەن، تەحنيكالىق قانا ەمەس، بارلىق سالا بويىنشا ءبىلىم ساپاسىن كوتەرۋ قاجەت. جوعارعى وقۋ ورنىنان سوڭ بىتىرۋشىلەر جۇمىس تاجىريبەسىنىڭ جوقتىعىنا قاراماستان جۇمىسپەن قامتىلۋى ءتيىس».
ەكىباستۇزدا ۇمىتكەر جەرگىلىكتى ونەركاسىپ پەن الەۋمەتتىك وبەكتىلەرگە باردى. كەزدەسۋ بارىسىندا دانيا ەسپاەۆا ءاربىر قازاقستاندىقتىڭ 9 مامىر كۇنگى سايلاۋعا بارۋى كەرەكتىگىن ايتتى.
«اق جول» پارتياسىنان پرەزيدەنتتىككە ۇمىتكەر دانيا ەسپاەۆانىڭ ۇگىت ناۋقانى جالعاسۋدا.
29 مامىر 2019 جىل، «اق جول» پارتياسىنىڭ ءباسپاسوز قىزمەتى
