Aq jol» partııasynan Prezıdenttikke úmitker Pavlodar oblysynyń turǵyndaryn óziniń saılaýaldy baǵdarlamasymen tanystyrýda – búgin Danııa Espaeva Ekibastuz qalasynda boldy.
Atalmysh qalada úmitkerdiń úgit toby jergilikti kásipker, energetık jáne áleýmettik saladaǵy jumyskerlermen kezdesti.
Ekibastuzda energetıka, kómir ónerkásibi, baǵaly metaldardy óndirý salalary jaqsy damyǵan. Búgingi tańda qalada 8 myńdaı shaǵyn jáne orta bıznes obekti bar. Byltyrdyń ózinde jańadan 15 jańa obekt ashyldy.
Jergilikti bıznesmendermen qatar barlyq saılaýshylardy Danııa Espaevanyń saılaýaldy baǵdarlamasy qyzyqtyrdy.
«Baǵdarlamada kásipkerlerge shaǵyn bıznesti yntalandyrý úshin salyqty tómendetý, salalar úshin qosymsha qun salyǵynyń mólsherlemesin azaıtý qarastyrylǵan, - dedi kásipker Vıktorııa Ostrıkova. – taýar baǵasynyń quny osyǵan baılanysty bolǵandyqtan, bul óte ózekti másele. Maǵan shaǵyn jáne orta bıznes úshin banktegi nesıe mólsherlemesin tómendetý týraly oıy unady. Bul da kókeıtesti másele».
«Aq jol» partııasynyń úmitkerimen kezdesý barysynda turǵyndar áleýmettik máselelerdi de kóterdi. Ekibastuzdaǵy halyq sany 150 myńnan asady. Munda metallýrg, ınjener, shahterlerdiń áýleti turady. Qala turǵyndarynyń sózinshe, sońǵy jyldary mektep bitirýshiler kórshi memleketke oqýǵa túse bastaǵan. Olar onda tehnıkalyq baǵyttaǵy sapalyraq bilimalyp, jumyspen qamtylady.
«Bizdiń daryndy jastarymyz syrt jaqqa ketýde, bul máselege basa nazar aýdarý qajet, - dedi Danııa Espaeva. – Birinshiden, tehnıkalyq qana emes, barlyq sala boıynsha bilim sapasyn kóterý qajet. Joǵarǵy oqý ornynan soń bitirýshiler jumys tájirıbesiniń joqtyǵyna qaramastan jumyspen qamtylýy tıis».
Ekibastuzda úmitker jergilikti ónerkásip pen áleýmettik obektilerge bardy. Kezdesý barysynda Danııa Espaeva árbir qazaqstandyqtyń 9 mamyr kúngi saılaýǵa barýy kerektigin aıtty.
«Aq jol» partııasynan Prezıdenttikke úmitker Danııa Espaevanyń úgit naýqany jalǵasýda.
29 mamyr 2019 jyl, «Aq jol» partııasynyń baspasóz qyzmeti
