رەسەي پرەزيدەنتتىگىنە تۇسكەن گۋبەرناتور امان تولەەۆ ومىردەن وزدى

4965
Adyrna.kz Telegram
فوتو: 24.kz
فوتو: 24.kz

رەسەي فەدەراتسياسىندا گۋبەرناتور بولعان امانگەلدى تولەەۆ 80 جاسقا قاراعان شاعىندا ومىردەن وزدى. بۇل تۋرالى Telegram-ارناسىندا كەمەروۆو وبلىسىنىڭ قازىرگى گۋبەرناتورى سەرگەي تسيۆيلەۆ جازدى, دەپ حابارلايدى ”ادىرنا” ۇلتتىق پورتالى.

"امان تولەەۆ ومىردەن ءوتتى. ول 1997 جىلدان 2018 جىلعا دەيىن كەمەروۆ وبلىسىنىڭ گۋبەرناتورى بولدى. اشىق-جارقىن، ءبىرتۋار ازامات ەدى. سانالى عۇمىرىن رەسەي مەن كۋزباسقا قىزمەت ەتۋگە ارنادى،" - دەپ جازعان سەرگەي تسيۆيلەۆ.

"امان" اتالىپ كەتكەن امانگەلدى تولەەۆ گۋبەرناتورلىق قىزمەتتى 20 جىلدان استام اتقاردى. ول ەكس-پرەزيدەنت بوريس ەلتسين ءوز ەركىمەن قىزمەتتەن كەتكەننەن كەيىنگى پرەزيدەنت سايلاۋىنا كانديدات رەتىندە قاتىسىپ، باق سىناعان. ەل ىشىندە "حالىقتىق گۋبەرناتور" دەلىنەتىن تولەەۆ سوندا 11 ۇمىتكەرمەن باسەكەلەسىپ، سايلاۋدا ءتورتىنشى ورىن العان.

2018 جىلى "زيمنيايا ۆيشنيا" ساۋدا ورتالىعىندا بولعان ورتتەن كەيىن گۋبەرناتورلىقتان كەتكەن. سول جىلى كۋزباسس كاسىبىي ءبىلىمدى دامىتۋ ايماقتىق ينستيتۋتىنىڭ رەكتورى بولىپ تاعايىندالعان.

كەيبىر مالىمەتتەرگە قاراعاندا مارقۇمنىڭ كەمەروۆ قالاسىنداعى № 1 ورتالىق زيراتىندا ۇلىنىڭ جانىنا جەرلەنۋى مۇمكىن ەكەنى ايتىلادى.

پىكىرلەر