وقۋ-اعارتۋ ءمينيسترى عاني بەيسەمباەۆ ءوزىنىڭ وتستاۆكاعا كەتۋىن پرەزيدەنت شەشەتىنىن ايتتى، دەپ حابارلايدى adyrna.kz.
جۋىردا ەلىمىزگە ەسىمى بەلگىلى ءبىر توپ ۇستاز وتستاۆكاعا كەتۋىن تالاپ ەتكەن بولاتىن. ماجىلىسكە كەلگەن عاني بەيسەمباەۆقا ءدال وسى ماسەلە سۇراق رەتىندە قويىلدى.
عاني بەيسەمباەۆتىڭ ايتۋىنشا، جاڭا اتتەستاتسيانىڭ ەرەجەسى «اشىق نقا» پورتالىندا جاريالانعان. سول جەردە قۇجاتپەن تانىسۋعا بولادى.
«قۇجاتتاردى مۇقيات وقىساڭىزدار، ونداعى نەگىزگى يدەولوگيا – وقۋشىنىڭ جەتىستىگى ارقىلى مۇعالىمنىڭ جەتىستىگىن باعالاۋ. بۇعان دەيىن اتتەستاتسيا نەگىزىنەن مۇعالىمدەردىڭ پورتفوليو جيناۋىنا، ءوزىنىڭ جەتىستىكتەرىنە عانا نەگىزدەلگەن ەدى. بۇعان دەيىن دە اتتەستاتسياعا وتە كوپ سىن ايتىلعان. ءبىز سىننىڭ ءبارىن جاڭا ەرەجەدە ەسكەردىك. سوندىقتان مۇندا ءبىز بالالارعا ساپالى ءبىلىم بەرۋدى، سانالى تاربيە بەرۋدى كوزدەيمىز. اتتەستاتسيا ەرەجەسى مەن جوباسى ۇستازدار مەن پەداگوگتاردىڭ تالابىنا سايكەس كەلەدى»، - دەدى مينيستر.
ءجۋرناليستىڭ «سوندا ءسىز وتستاۆكاعا كەتپەيسىز بە؟» دەپ سۇراعانىنا «جالپى كەز-كەلگەن ءمينيستردى تاعايىنداۋ نەمەسە وتستاۆكاعا جىبەرۋ مەملەكەت باسشىسىنىڭ قولىندا. سوندىقتان بۇل ماسەلە مەنىڭ قۇزىرەتىمە كىرمەيدى، - دەپ جاۋاپ بەردى.
سونداي-اق ول «ولاردىڭ حاتىنان ورىندى سىن كورىپ تۇرعان جوقپىن. ولارمەن كەزدەسىپ تە ءجۇرمىن. ءاربىرىنىڭ ءوز ۇياتىنا قالدىردىم”، - دەدى.
ەسكە سالا كەتەيىك، وسىدان بىرنەشە كۇن بۇرىن ءبىر توپ مۇعالىم پرەزيدەنت پەن ءماجىلىس توراعاسىنا اشىق حات جولداپ، وقۋ-اعارتۋ ءمينيسترى عاني بەيسەمباەۆتىڭ وتستاۆكاعا كەتۋىن تالاپ ەتكەن بولاتىن. مۇعالىمدەردىڭ ايتۋلارىنشا، عاني بەيسامباەۆ جاڭا قىزمەتكە كىرىسكەننەن كەيىن مينيسترلىكتىڭ باسشىلىق قۇرامىنا اۋىس-ءتۇيىس جاساعان.
