ەنەرگەتيكا ءمينيسترى الماسادام ساتقاليەۆ سۇيىتىلعان گاز باعاسىنىڭ وسۋىنە قاتىستى جاعدايعا پىكىر ءبىلدىردى، - دەپ حابارلايدى "ادىرنا" ءتىلشىسى.
ءماجىلىستىڭ جالپى وتىرىسىندا مينيستر سۇيىتىلعان مۇناي گازىن پايدالانۋدىڭ كۇرت وسكەنىن اتاپ ءوتتى. بۇل رەتتە ساتقاليەۆ قازىرگى تاڭدا سۇيىتىلعان گاز تاپشىلىعى جوق ەكەنىن باسا ايتتى.
«باستاپقىدا ەلىمىزدە سۇيىتىلعان گازدى تۇتىنۋدىڭ ارتۋى اۆتوكولىكتەردى قايتا جابدىقتاۋمەن بايلانىستى بولدى. باستاپقىدا سۇيىتىلعان مۇناي گازىن وندىرۋدە بولعان تەڭگەرىم 2013 جىلى 2015 جىلعا دەيىن ءوستى. توعىز ايدا 25 پايىزدى كورسەتتى. ءبىز قوسىمشا كولەم تابۋىمىز كەرەك بولىپ كومپانيالارمەن كەلىسسوزدەر جۇرگىزدىك» دەدى ول.
ءمينيستردىڭ ايتۋىنشا، الداعى ۋاقىتتا كولىكتەردى گازعا كوشىرۋ وسىنداي قارقىنمەن وسە بەرسە، وڭدەۋ قۋاتى جەتكىلىكسىز بولادى.
«ءبىز «قازمۇنايگازدىڭ» بارلىق كولەمىن تولىعىمەن يگەرىپ، وسى ارقىلى قارجىلاندىرىپ جاتىرمىز. قازىر وبەكتيۆتى تۇردە تاپشىلىق جوق. ايماقتارعا جەتكىزۋگە قاتىستى ءبىراز سۇراقتار بار. بىراق مۇنى ماسەلە دەپ ايتامىز. ياعني، كەلەشەكتە، ەگەر وسى قارقىنمەن اۆتوكولىكتەردى گازعا كوشىرۋ وسسە، وندا وڭدەۋ قۋاتتىلىعى جەتكىلىكسىز بولادى. بولاشاقتا ولار بولۋى مۇمكىن، بىراق ءبىز سۇيىتىلعان مۇنايدى يمپورتتايتىن بەلگىلى ءبىر كەزەڭ كەلەدى. ال بۇل بەنزين باعاسىمەن سالىستىرىلاتىن مۇلدە باسقا باعالار بولادى. سوندىقتان ءبىز تۇتىنۋشىلارعا ترانسفەرگە اسىقپاۋعا بىرنەشە رەت كەڭەس بەردىك»، - دەدى ساتقاليەۆ.
ۇقساس جاڭالىقتار
