پوستكەڭەستىك مەملەكەتتەر اراسىندا تەك قازاقستان مەن ءازىربايجاننىڭ ەكونوميكالىق جاعدايى جاقسى ما دەيمىن. وكىنىشكە وراي، ءازىربايجاننىڭ قاراباعىن ارمەنيا تارتىپ الدى. وزبەكستاندى ماقتايىن دەسەم 5 ميلليون وزبەك رەسەيدە قارا جۇمىستا ءجۇر. وزبەكستاننىڭ ىشكى جيىنتىق ءونىمى قازاقستاننان 4.5- 5 ەسە كەم. قىرعىزستاندى ماقتايىن دەسەم، قىرعىزستاننىڭ ىشكى جيىنتىق ءونىمى الماتىنىڭ لوكالدىق جيىنتىق ونىمىنە تەڭ ەكەن. بىراق، قىرعىزستاننىڭ دەموكراتياسى بىزدەن كوبىرە ك جانە كوررۋپتسياسى ازىراقتاۋ. قىرعىز اعايىن ەكونوميكالىق رەفورمالاردى كەشەۋىلدەتتى، تابيعي رەسۋرستارى دا از. 700 مىڭداي قىرعىز رەسەي مەن قىرعىزستاندا جۇمىس ىستەپ ءجۇر.
ارمەنيا- بلوكادا جاعدايىندا، ارەڭ دەگەندە گرۋزيا پورتتارىنا شىعادى. ايتقانداي ارمەنيا مەن ءازىربايجان قاراباق ءۇشىن سوعىسۋدا. ارمەنيا حالقى ۇزاق سوعىس پەن بلوكادادان شارشاپ، ءوز ەلىنەن كوشىپ جاتىر. ال، ءازىربايجان مۇنايدىڭ بيىك باعاسىنا سۇيەنىپ، ەسىن جيدى.
سول سياقتى گرۋزيا رەسەيمەن قاقتىعىسىپ، ابحازيا مەن وسەتيادان ايىرىلدى. بۇگىنگى كۇنى تۇرمىس تاۋقىمەتىنەن شارشاعان گرۋزيندەر جان-جاققا كوشىپ جاتىر. ارمەنيا مەن گرۋزيا حالقىنىڭ تابيعي ءوسىمى جوق، كەرىسىنشە دەپوپۋلياتسيا. تۇركمەنستاندى ماقتايىن دەسەم، ولاردا نيازوۆ پەن بەردىمۇحامەدوۆ نان مەن ۇن تاپشىلىعىن جويعان جوق. ال، بۇرىنعى باسشىسى نيازوۆ اپيىنعا ءۇيىر بولىپ ەدى، كەلەسى باسشى بەردىمۇحامەدوۆ ءان مەن كۇيگە، اتشابىسقا قۇشتار بولىپ، حالىق جاعدايىن ويلاعانعا ۇكسامايدى.
رەسەي ۋكراينانىڭ قىرىمىن تارتىپ الىپ بالەگە قالدى. باتىس مەملەكەتتەر اليانسى -اقش پەن ەۆروپالىق وداق ، ناتو اتتى اسكەري ۇيىمى بار، ولار ەكىنشى قىرعي قاباق سوعىسىن باستادى. ءبىرىنشى قىرعي قاباق سوعىسىندا (1946-1991جج.) كەڭەس ۇكىمەتى-كسرو -سسسر جەڭىلىپ، وداق ىدىراپ، وداقتىق رەسپۋبليكالار ەگەمەن بولعان ەدى. 2014 جىلدان بەرى ەكىنشى قىرعي قاباق سوعىسى باستالدى. ەندى ەكىنشى قىرعي قاباق سوعىسىندا كىم جەڭەرى بەلگىسىز.
قازاقستان ودكب اتتى اسكەري ۇيىمدا رەسەيمەن وداقتاسپىز. بىراق، ءبىزدىڭ ۋكرايناعا شابۋىلعا قاتىسىمىز جوق. ءبىز رەسەيدىڭ راكەتالىق -يادرولىق قورعاۋىندامىز، ءوز يادرولىق ارسەنال بومبالارىمىزدى جانە راكەتالارىمىزدى رەسەيگە تاپسىرىپ، باتىس ەلدەر مەن رەسەيدىڭ كەپىلدىگىن العانبىز. رەسەيدىڭ ەكونوميكالىق جانە تۇرمىستىق جاعدايى ناشارلاعانىنا التى جىلعا تايادى. ار جاعىن ءبىر اللا بىلەدى.
ءازىمباي عالي
"ادىرنا" ۇلتتىق پورتالى
