Postkeńestik memleketter arasynda tek Qazaqstan men Ázirbaıjannyń ekonomıkalyq jaǵdaıy jaqsy ma deımin. Ókinishke oraı, Ázirbaıjannyń Qarabaǵyn Armenııa tartyp aldy. Ózbekstandy maqtaıyn desem 5 mıllıon ózbek Reseıde qara jumysta júr. Ózbekstannyń Ishki Jıyntyq Ónimi Qazaqstannan 4.5- 5 ese kem. Qyrǵyzstandy maqtaıyn desem, Qyrǵyzstannyń Ishki Jıyntyq Ónimi Almatynyń lokaldyq Jıyntyq Ónimine teń eken. Biraq, Qyrǵyzstannyń demokratııasy bizden kóbire k jáne korrýpııasy azyraqtaý. Qyrǵyz aǵaıyn ekonomıkalyq reformalardy kesheýildetti, tabıǵı resýrstary da az. 700 myńdaı qyrǵyz Reseı men Qyrǵyzstanda jumys istep júr.
Armenııa- blokada jaǵdaıynda, áreń degende Grýzııa porttaryna shyǵady. Aıtqandaı Armenııa men Ázirbaıjan Qarabaq úshin soǵysýda. Armenııa halqy uzaq soǵys pen blokadadan sharshap, óz elinen kóship jatyr. Al, Ázirbaıjan munaıdyń bıik baǵasyna súıenip, esin jıdy.
Sol sııaqty Grýzııa Reseımen qaqtyǵysyp, Abhazııa men Osetııadan aıyryldy. Búgingi kúni turmys taýqymetinen sharshaǵan grýzınder jan-jaqqa kóship jatyr. Armenııa men Grýzııa halqynyń tabıǵı ósimi joq, kerisinshe depopýlıaııa. Túrkmenstandy maqtaıyn desem, olarda Nııazov pen Berdimuhamedov nan men un tapshylyǵyn joıǵan joq. Al, burynǵy basshysy Nııazov apıynǵa úıir bolyp edi, kelesi basshy Berdimuhamedov án men kúıge, atshabysqa qushtar bolyp, halyq jaǵdaıyn oılaǵanǵa uksamaıdy.
Reseı Ýkraınanyń Qyrymyn tartyp alyp bálege qaldy. Batys memleketter alıansy -AQSh pen Evropalyq Odaq , NATO atty áskerı uıymy bar, olar Ekinshi qyrǵı qabaq soǵysyn bastady. Birinshi qyrǵı qabaq soǵysynda (1946-1991jj.) Keńes úkimeti-KSRO -SSSR jeńilip, Odaq ydyrap, Odaqtyq respýblıkalar egemen bolǵan edi. 2014 jyldan beri Ekinshi qyrǵı qabaq soǵysy bastaldy. Endi Ekinshi qyrǵı qabaq soǵysynda kim jeńeri belgisiz.
Qazaqstan ODKB atty áskerı uıymda Reseımen odaqtaspyz. Biraq, bizdiń Ýkraınaǵa shabýylǵa qatysymyz joq. Biz Reseıdiń raketalyq -ıadrolyq qorǵaýyndamyz, óz ıadrolyq arsenal bombalarymyzdy jáne raketalarymyzdy Reseıge tapsyryp, Batys elder men Reseıdiń kepildigin alǵanbyz. Reseıdiń ekonomıkalyq jáne turmystyq jaǵdaıy nasharlaǵanyna alty jylǵa taıady. Ar jaǵyn bir Alla biledi.
Ázimbaı Ǵalı
"Adyrna" ulttyq portaly
