امەريكا مەن قىتاي Huawei-گە بايلانىستى الىسىپ جاتىر. ونىڭ باستى سەبەبى، تەلەفون ساۋداسى ەمەس، قىتاي كومپانياسى 5G تەxنولوگياسىن دامىتىپ جاتىر.
ول نە دەگەن ءسوز؟ ەگەر جيگۋليدىڭ باعاسىنا مەرسەدەس ساتاتىن بولسا، قايسىسىن الاسىز؟ سول سياقتى ەگەر Huawei 5G ينفراقۇرىلىمىن دامىتىپ، IPhone-نان الدەقايدا جىلدام ىستەيتىن تەxنولوگيا ۇسىنسا، الەم تۇتىنۋشىلارى Huawei-گە ءوتىپ كەتەتىنى ايتپاسا دا تۇسىنىكتى.
سوندا قانشا جىلدام دەيسىز عوي... ايتالىق، ەگەر 3G-مەن ءبىر كينونى ءبىر ءتاۋلىكتە جۇكتەپ الساڭىز، 4G ارقىلى 5 مينۋتتا، ال 5G-مەن 3 سەكۋندا جۇكتەيسىز.
ءيا-ءيا، 3 سەكۋند! باسىپ ۇلگەرمەيسىز، كينو سياقتى اۋىر فايلدىڭ ءوزى جۇكتەلىپ قالادى.
امەريكانىڭ ارپالىسىپ جاتقانىن تۇسىنۋگە بولادى. كەزىندە ولار 4G شىعارعاندا ەكونوميكاسى بىردەن $100 ملرد وسكەن ەكەن، ال 5G تەxنولوگياسىن ەنگىزسە، 3 ملن جۇمىس ورنى اشىلىپ، ءىجو $500 ملرد-قا وسپەك.
"باقىتىمىزعا وراي", ورىسشا ايتساق، "نام ەتو نە گروزيت", بىزدە ارەڭ ىستەپ تۇرعان ينتەرنەتكە 4G-دەپ بەلگى قويا سالامىز، 5G دە سولاي بولاتىنىنا كۇمانىم جوق.
فورما بار، مازمۇن جوق. ءسوز بار، ءىس جوق. سىرتىمىز ءبۇتىن، ءىشىمىز ءتۇتىن. قازاق قوعامى وسىنداي اۋرۋعا تاپ بولدى. سيندرومى جوعارىداعىداي. اتىن ءوزىڭىز قويىپ الىڭىز.
شىڭعىس مۇقان
