قاراعاندى وبلىسىنداعى كوستەنكو اتىنداعى شاحتادا قازا تاپقان كەنشىلەردىڭ سوڭعىسىنىڭ دەنەسى 30 قازان كۇنى تاڭەرتەڭ تابىلدى. ىزدەستىرۋ جۇمىسى اياقتالدى. بۇل تۋرالى zakon.kz جاريالادى، دەپ حابارلايدى “ادىرنا” ۇلتتىق پورتالى.
قاراعاندىلىق جۋرناليست اينۇر بالاكەشوۆا مارقۇم كەنشى سەرگەي كيسەلەۆتىڭ تۋىستارىنا سىلتەمە جاساپ حابارلاعانداي، ونىڭ دەنەسى 30 قازان كۇنى تاڭەرتەڭ تابىلدى. سەرگەي كيسەلەۆ كوستەنكو اتىنداعى شاحتاداعى اپاتتان قازا تاپقان كەنشىلەردىڭ سوڭعىسى بولدى.
سوڭعى بولىپ ءبىزدىڭ اكەمىز تابىلدى، ول 35 جىلدان استام شاحتەر بولىپ جۇمىس ىستەدى، - دەيدى سەرگەي كيسەلەۆتىڭ بالالارى.
توتەنشە جاعدايلار مينيسترلىگى مەن قاراعاندى وبلىسى اكىمدىگىنىڭ ءباسپاسوز قىزمەتتەرى قازا تاپقان كەنشىلەردىڭ سوڭعىسى تابىلدى دەگەن اقپاراتتى ازىرگە رەسمي راستاعان جوق.
وقيعا ورنىندا ارنايى كوميسسيا جۇمىس ىستەپ جاتىر. توتەنشە جاعدايلار مينيسترلىگىنىڭ باسشىسى سىرىم ءشارىپحانوۆتىڭ توراعالىعىمەن جەدەل شتاب جۇمىس ىستەپ جاتىر.
بۇعان دەيىن كوستەنكو شاحتاسىنان قازا تاپقان 45 كەنشىنىڭ دەنەسىن تاپتى.
