ەكولوگيا جانە تابيعي رەسۋرستار ۆيتسە-ءمينيسترى عاليدۋللا ازيدۋللين قىزمەتىنەن بوساتىلدى. بۇل تۋرالى ۇكىمەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
«قازاقستان رەسپۋبليكاسى ۇكىمەتىنىڭ قاۋلىسىمەن عاليدۋللا ازيدوللاۇلى ازيدۋللين بەرگەن وتىنىشىنە سايكەس ەكولوگيا جانە تابيعي رەسۋرستار ۆيتسە-ءمينيسترى قىزمەتىنەن بوساتىلدى»،- دەلىنگەن حابارلامادا.
عاليدۋللا ازيدۋللين 1981 جىلى اتىراۋ وبلىسىندا دۇنيەگە كەلگەن. ح. دوسمۇحامەدوۆ اتىنداعى اتىراۋ مەملەكەتتىك ۋنيۆەرسيتەتىن، م.ح. دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن.
ەڭبەك جولىن 2002 جىلى جايىق-كاسپي باسسەيندىك سۋ شارۋاشىلىعى باسقارماسىندا باستاعان. قر ەگترم سۋ رەسۋرستارى كوميتەتىنىڭ قۇرىلىمىندا باسشىلىق قىزمەتتەردى اتقاردى. 2023 جىلعى قاڭتاردان باستاپ قازىرگى ۋاقىتقا دەيىن ەكولوگيا جانە تابيعي رەسۋرستار ۆيتسە-ءمينيسترى بولىپ جۇمىس ىستەدى.
