سىزدەر قاي ەلدىڭ باس پروكۋراتۋراسىسىزدار؟

2292
Adyrna.kz Telegram

قر باس پروكۋرورى نۋرداۋلەتوۆ گيزات داۋرەنبەكوۆيچكە اشىق حات.

23.05.19 ج. بلوگىڭىزگە شاعىم قويماقشى بولدىم. بىراق قويا المادىم. 115 قىزمەتى كومەك كورسەتە الماعاندىقتان، باسشىسى دۋككارت ا.ۆ. سويلەسكەنىمدە، 3 رەت سالەمەتسىزىمە 3 رەت «زدراستي»! قر باس پروكۋراتۋراسىنىڭ لاۋازىمدى قىزمەتىندە وتىرا، قالايشا، مەملەكەتتىك تىلدە امانداسقىڭىز دا كەلمەيدى دەدىم. جاۋابى: «يا ۆاس پروشۋ گوۆوريت پو ريۋسكي، ەتو يازىك مەجناتسيونالنوگو وبششەنيا»؟! وسىعان وراي: نەلىكتەن باس زاڭ، قۇقىق قاداعالاۋ ورگانىندا، ساۋاتسىز (قر زاڭنامالىق نورمالارىنىڭ ەشقايسىندا ورىس ءتىلىنىڭ ۇلتارالىق دەگەن ستاتۋسى جوق) جانە باستىسى زاڭدى بەلشەسىنەن باساتىن ادام وتىر جانە جوعارعى لاۋىزىمدى قىزمەتتە؟ پروكۋراتۋرا قىزمەتكەرلەرى: «ونىڭ ۇلتى قازاق ەمەس»). كونستيتۋتسيا، زاڭنامالىق نورمالاردا قازاق ەمەستەرگە باسقا باپتار جازىلعان با؟ تۆيتتەرگە جازباقشى بولسام، گپ رك دەپ تۇر رپ مەمتىلىندە، ال وسى، قر مەمتىلىندە، قازاق تىلىندە جوق! نەگە؟

پروكۋراتۋرانىڭ فەيسبۋكتەگى پاراقشاسىنا، اي وتپەدى «قانداي ماسقارا، قر باس پروكۋراتۋراسى بولا تۇرا، جازعاندارىڭىز ءبىرىنشى ورىس، 2-ءشى عانا قازاق تىلىندە» دەپ جازعان بولاتىنمىن. تۇزەگەن سياقتى بولاتىن، بۇگىن تاعى بىرنەشە جەردە ءبىرىنشى ورىسشا تۇر؟! كەرەكۋدەگى ىلعي «پروكۋراتۋرا وبل.، .... سليۋشاەت». سەرۆيس مەكەمەلەرىنەن مەملەكەتتىك تىلدە قىزمەت تۇتىنا الماي قۋىلعاندا (ۆيدەوماتەريالى بار), «ول باسقا ۇلتتىڭ ادامى» (قالا پروكۋرارى), ەش زاڭ بۇزۋشىلىق جوق (وبل. ، باس پروكۋروتۋرالار)! جوعارى جازىلعاندارىما بايلانىستى سۇراق: سىزدەر قاي ەلدىڭ باس پروكۋراتۋراسىسىزدار؟ ەگەر كورشى مەملەكەتتىڭ قول استىندا بولماساڭىزدار، ءوز قىزمەتتەرىڭىزدى سايت، سوت، كابينەتتەرىڭىزدەگى، قوعامداعى، ءبىر سوزبەن وسى مەملەكەتتەگى، مەملەكەت زاڭدارىنا سايكەس اتقارۋلارىڭىزدى تالاپ ەتەمىن! 30 جىل قر بولا تۇرا، مەملەكەت ءتىلى قازاق ءتىلى بولا تۇرا، تىم بولماسا 300 ءسوز جاتتاپ الماق تۇر عوي، ءوزىڭدى ورىسشاعا ماجبۇرلەيتىن باس پروكۋراتۋرا قىزمەتكەرلەرىنىڭ، ءوز لاۋازىمىن يەلەنۋگە ەش مورالدىق تا، زاڭدىق تا قۇقى جوق! وسىنى كورەتىندىكتەن، سوتقا سۇيرەلەنەتىندەر وسى مەملەكەتتىڭ ءتىلىن قورعاۋعا ءماجبۇر بولاتىندار! بۇل قاي ەلدە بار؟ كەرىسىنشە، ءار مەملەكەتتە، مەمورگان قورعايدى بار جاعىنان ءوز مەملەكەتىنىڭ ءتىلىن، ال ءبىزدى، ماسقارا، ءوزى-ءوزىنىڭ ءتىلىن قورلاپ/قورلاتقىزىپ وتىرعان مەمورگان قىزمەتكەرلەرى سوتقا سۇيلەلەۋگە سەپتىگىن تيگىزىپ وتىر!

ءداپ قازىر، رەسپۋبليكاعا تانىمال، بەلگىلى ءتىل جاناشىرى جۇلدىزاي فورت سوتقا تارتىلىپ وتىر، سايىپ كەلگەنندە قازاق تىلىندە قىزمەت تۇتىنعىسى كەلگەنى ءۇشىن، قارسى جاقتىڭ جالاسىمەن، پوليتسيا قىزمەتكەرلەرىنىڭ قولداۋىمىن! وسى مەملەكەتتىڭ پروكۋراتۋراسى بولساڭىزدار، وسى مەملەكتتىڭ زاڭىن، ونىمەن قورعالعان مەملەكەت ءتىلىنىڭ قورعالۋىن قاداعالاۋىڭىزدى تالاپ ەتەمىن!

قر باس پروكۋرورى گيزات ءىنىم!

بلوگىڭىزگە قويا الماي، دۋككارتتارىڭىز شەكتەن شىعارعان سوڭ، اشىق حات جازۋعا ءماجبۇرمىن. ەكىنشى، بلوگ ارقىلى دا، حات ارقىلى دا جاۋاپتى بەرەتىن ءوزىڭىز ەمەس ەكەنى تاعى ايان. قر باس پروكۋرورى رەتىندە قازاق باق-تارىن وقيسىز دەپ سەنەمىن. جانە جاۋاپ كۇتەمىن.

قۇرمەتپەن، بەيسەنباي تەگى ر.ز.، كەرەكۋ ق.

پىكىرلەر