يزرايل رەسمي تۇردە سوعىس جاعدايىنا كوشەتىنىن جاريالادى. بۇل تۋرالى بەنيامين نەتانياحۋ كەڭسەسى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، اسكەري-ساياسي كابينەت ۇكىمەت تۋرالى نەگىزگى زاڭنىڭ 40-تارماعىن ورىنداپ، سوعىس جاعدايىنا كوشتى.
اسكەري-ساياسي كابينەت سوعىستىڭ جاي-كۇيىن جانە سوعان سايكەس ءىرى اسكەري وپەراتسيالاردىڭ باستالۋىن ماقۇلدادى. گازا سەكتورىنان بولعان لاڭكەستىك شابۋىل ناتيجەسىندە يزرايل مەملەكەتىنە جاسالعان سوعىس 7 قازاندا تاڭعى 6:00-دە باستالدى، – دەلىنگەن حابارلامادا.
سوڭعى مالىمەتتەر بويىنشا، يزرايلدە 600-دەن استام بەيبىت تۇرعىن قازا تاپتى، تاعى 2048 ادام جاراقات الدى. گازا سەكتورى ولاردىڭ اۋماعىندا تاعى 313 ادام قازا تاۋىپ، ەكى مىڭعا جۋىق ادام زارداپ شەكتى دەپ مالىمدەيدى.
ۇقساس جاڭالىقتار
