كوستا-ريكاداعى تانىمال تەلەارنالاردىڭ ءبىرى العاش رەت قازاقستاندىق تانىمال ءانشى ديماش قۇدايبەرگەن تۋرالى حابار كورسەتتى، دەپ حابارلايدى «ادىرنا» ۇلتتىق پورتالى dimashnews.com سايتىنا سىلتەمە جاساپ.
2023 جىلدىڭ 4 قازانىندا كوستا-ريكانىڭ ەڭ تانىمال تەلەارنالارىنىڭ ءبىرى Multimedios CR العاش رەت ديماش قۇدايبەرگەن تۋرالى باعدارلاما شىعاردى. ەفيردە جۇرگىزۋشىلەر تەلەكورەرمەندەردى قازاقستاندىق ءارتىستىڭ ومىربايانىمەن تانىستىرىپ، ونىڭ S.O.S ءانىن ورىنداعانىن كورسەتتى، - دەلىنگەن حابارلامادا.
Multimedios ءوز باعدارلامالارىن تەك مەكسيكادا عانا ەمەس، كوستا-ريكادا، اقش-تا جانە يسپانيادا تاراتادى.
كوستا-ريكادا كوپ ادام ونىڭ كەرەمەت مۋزىكاسى مەن ادەمى داۋىسىن ەستۋى - ءبىز ءۇشىن ەلىمىزدىڭ بۇقارالىق اقپارات قۇرالدارىندا سۇيىكتى ءارتىستىڭ جۇمىسىن تاراتۋدىڭ باسى عانا، – دەپ ءبولىستى كوستا-ريكاداعى Dears جانكۇيەرلەرى.
«ادىرنا» ۇلتتىق پورتالى