الماتى وبلىسىندا وگەي ناعاشى اتاسىنان قورلىق كورگەن 3 جاسار ەگىز قىزدار مەن الماتى قالاسىندا زورلانعان 7 جاسار وقۋشىنىڭ جاعدايى بەلگىلى بولدى. بۇل تۋرالى دەنساۋلىق ساقتاۋ ءمينيسترى اجار عينيات ورتالىق كوممۋنيكاتسيالار قىزمەتىنىڭ الاڭىندا وتكەن ءباسپاسوز ءماسليحاتىندا مالىمدەدى، دەپ حابارلايدى “ادىرنا” ۇلتتىق پورتالى.
ءمينيستردىڭ ايتۋىنشا، بالالاردىڭ جاعدايى باقىلاۋدا.
بالالاردىڭ جاعدايى – ورتاشا اۋىر. مەديتسينا قىزمەتكەرلەرى بالالاردى قابىلداعان كەزدە ەرەسەك بالالاردىڭ زورلىق-زومبىلىق كورسەتكەنىن انىقتادى. بالالار تولىق تەكسەرىلىپ، قۇقىق قورعاۋ ورگاندارىنا ۋاقىتىندا حابار بەرىلدى. ولاردىڭ جاراقاتىنا بايلانىستى بالالارعا وپەراتسيا جاسالدى، - دەپ اتاپ ءوتتى ۆەدومستۆو باسشىسى.
دەگەنمەن، مينيستر قاي بالاعا قانداي وپەراتسيا جاسالعانىن ايتپادى.
بۇل پاتسيەنتتەردىڭ جەكە مالىمەتى ەكەنىن ەسكەرىپ، قانداي وپەراتسيا جاسالعانىن ايتا المايمىن. ولاردىڭ دەنە مۇشەسىندە جاراقات بولعاندىقتان دارىگەرلەر ءتيىستى وپەراتسيالاردى جۇرگىزدى، - دەدى ۆەدومستۆو باسشىسى.
ەسكە سالساق، بۇعان دەيىن الماتى وبلىسى باقاناس اۋىلىندا 3 جاسار ەگىز قىزدى وگەي ناعاشى اتاسى زورلاعانى حابارلاندى. ودان بولەك، الماتىداعى مەكتەپتە 7 جاسار وقۋشىنىڭ زورلانعانى بەلگىلى بولعان.
