قازاقستان بوكس فەدەراتسياسىنىڭ پرەزيدەنتى كەڭەس راقىشەۆ ازيا ويىندارىنداعى ۇلتتىق قۇراما كاپيتانى اسلانبەك شىمبەرگەنوۆتىڭ جارتىلاي فينالدىق كەزدەسۋىندە تورەشىلەردىڭ شەشىمىنە قاتىستى مالىمدەمە جاسادى، دەپ حابارلايدى «ادىرنا» ۇلتتىق پورتالى.
«قۇرمەتتى جانكۇيەرلەر، الەم چەمپيونى، قازاقستان قۇراماسىنىڭ كاپيتانى اسلانبەك شىمبەرگەنوۆتىڭ جارتىلاي فينالدىق كەزدەسۋىندە تورەشىلەردىڭ اسا ادىلەتسىز شەشىمىنە قاتىستى ورەسكەل وقيعا ورىن الدى», - دەدى كەڭەس راقىشەۆ.
قفب باسشىسى شىمبەرگەنوۆ بۇكىل جەكپە-جەك بويى جاپونيالىق سەۆون وكازاۆانى سوققىنىڭ استىنا العانىن، جۇدىرىقتارى قارسىلاسقا ءدال تيگەنىن، بارلىق جاعىنان مىقتىراق ءارى باسىمىراق بولعانىن اتاپ، ناتيجەسىندە قارسىلاس جەڭگەنىن جازعان.
سونداي-اق فەدەراتسياسى پرەزيدەنتى قازاقستان - بوكس دەرجاۆاسى، بوكستىڭ كوشباسشىسى رەتىندە رينگتەگى مۇنداي ادىلەتسىزدىك فاكتىلەرىمەن كەلىسپەيتىندىگىن ايتقان.
«حانچجوۋداعى ازيا ويىندارىنىڭ جارتىلاي فينالىندا بولعان وقيعا شەكتەن شىقتى. وسىعان بايلانىستى قازاقستان بوكس فەدەراتسياسى رەسمي تۇردە حالىقارالىق وليمپيادا كوميتەتىنە تورەشى قىزمەتىنە ءوز شاعىمدارىن بىلدىرەدى. ءوز تاراپىمنان اسلانبەك شىمبەرگەنوۆكە جەكە قولداۋ بىلدىرەمىن! مەنىڭ ويىمشا، مۇنداي فاكتىلەر ءبىزدىڭ كاپيتانىمىزدى بۇزبايدى جانە ول بوكستان ەڭ ماڭىزدى حالىقارالىق تۋرنيرلەردە قازاقستاننىڭ تۋىن كوتەرۋدى جالعاستىرادى!»,- دەپ قورىتىندىلاعان قفب باسشىسى.
«ادىرنا» ۇلتتىق پورتالى
