2023 جىلدىڭ 30 قىركۇيەگىندە قاراعاندى وبلىسىندا ۇشاق اپاتى بولىپ، سالدارىنان ەكى ەكيپاج مۇشەسى قازا تاپتى، دەپ حابارلايدى «ادىرنا» ۇلتتىق پورتالى.
ازاماتتىق اۆياتسيا كوميتەتىنىڭ ءباسپاسوز قىزمەتىنىڭ مالىمەتىنشە، قاراعاندى وبلىسىنىڭ بالاپان الاڭىندا وقۋ-جاتتىعۋ وتكەن. P2002 ءتيپتى UPLA286 ۇشاعى اۋەگە كوتەرىلىپ، كەيىن بايلانىسقا شىقپاعان.
اۋە اپاتى جەرگىلىكتى ۋاقىت بويىنشا ساعات 08:44-تە قاراعاندى وبلىسى دوسكەي اۋىلىنان 5 شاقىرىم جەردە بولعان.
«ىزدەۋ كەزىندە قيراعان اۋە كەمەسى تابىلدى. ەكى ادام قازا تاپتى. كولىك مينيسترلىگىنىڭ وقيعانى تەرگەۋ دەپارتامەنتى وسى فاكتى بويىنشا تەرگەۋدى باستادى» دەلىنگەن حابارلامادا.
«ادىرنا» ۇلتتىق پورتالى
