جەتىسۋ وبلىسىندا زەينەت جاسىنداعى ەر ادام ۇلىن ءولتىردى دەگەن كۇدىكپەن ۇستالدى، دەپ حابارلايدى «ادىرنا» ءتىلشىسى.
پوليتسيا دەپارتامەنتىنىڭ ايتۋىنشا، وقيعا كەربۇلاق اۋدانىندا بولعان.
«63 جاستاعى ۇستالعان ازامات جابىرلەنۋشىنىڭ تۋعان اكەسى بولىپ كەلەدى. الدىن الا مالىمەت بويىنشا، داستارحان ۇستىندە الكوگولدىك ىشىمدىك ءىشۋدىڭ اياعى جانجالعا ۇلاسىپ، سوڭى قايعىلى وقيعامەن اياقتالعان»،—دەپ ءتۇسىندىردى باسقارما.كۇدىكتى ۋاقىتشا ۇستاۋ يزولياتورىنا قامالدى. قاجەتتى ساراپتامالار تاعايىندالىپ، قىلمىستىق كودەكستىڭ 99-بابى («ادام ءولتىرۋ») بويىنشا تەرگەۋ امالدارى جۇرگىزىلىپ جاتىر.
ۇقساس جاڭالىقتار
