سولتۇستىك قازاقستان وبلىسى بويىنشا سىبايلاس جەمقورلىققا قارسى قىزمەتى «بيزنەسكە جول» جوباسىن ىسكە اسىرۋ شەڭبەرىندە «اگرارلىق نەسيە كورپوراتسياسى» اق وبلىستىق فيليالىنىڭ باسشىسىن ۇستادى. بۇل تۋرالى انتيكوردىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، ول اۋىل شارۋاشىلىعى تاۋارىن وندىرۋشىلەردەن بىرنەشە رەت پارا الدى دەگەن كۇدىككە ىلىككەن.
پارا سوماسى 100 مىڭنان 500 مىڭ تەڭگەگە دەيىنگى مولشەردى قۇرادى. اقشالاي قاراجاتتار قر اگروونەركاسىپتىك كەشەنىن دامىتۋ جونىندەگى 2021-2025 جىلدارعا ارنالعان ۇلتتىق جوبا شەڭبەرىندە بولىنەتىن كرەديتتىك قارىزداردى بەرۋ ماسەلەسىن وڭ جانە كەدەرگىسىز شەشۋگە ارنالعان. كۇدىكتى پەتروپاۆل قالاسىنىڭ ۋاقىتشا ۇستاۋ يزولياتورىنا قامالدى. سوتقا دەيىنگى تەرگەۋ جالعاسۋدا. قىلمىستىق-پروتسەستىك كودەكسىنىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى. كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكسىنىڭ 19-بابى 1-بولىگىنە سايكەس، قىلمىستىق قۇقىق بۇزۋشىلىق جاساۋداعى كىناسى سوتتىڭ زاڭدى كۇشىنە ەنگەن ۇكىمىمەن بەلگىلەنگەنگە دەيىن ءاربىر ادام كىناسىز دەپ ەسەپتەلەدى، - دەدى انتيكوردىڭ رەسمي وكىلى ارمان تىلەۋكەنوۆ.
ۇقساس جاڭالىقتار
