ۇلتتىق قاۋىپسىزدىك كوميتەتى سيريادا DAESH (قازاقستاندا تىيىم سالىنعان ۇيىم) قۇرامىندا بولعان قازاقستان ازاماتىن ۇستادى. بۇل تۋرالى ۇلتتىق قاۋىپسىزدىك كوميتەتىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
كوميتەتتىڭ حابارلاۋىنشا، 2016 جىلى ۇلىتاۋ تۇرعىنى وتباسىمەن بىرگە سيرياعا بارىپ، وندا دايش (قازاقستاندا تىيىم سالىنعان) قۇرامىندا قالىپ قويعان.
قابىلدانعان شارالاردىڭ ناتيجەسىندە سودىردىڭ شەتەلدە جۇرگەن جەرىن انىقتاۋعا، سودان كەيىن شەتەلدىك سەرىكتەستەردىڭ كومەگىمەن ۇستالىپ، 2023 جىلدىڭ ماۋسىم ايىندا ۇلتتىق قاۋىپسىزدىك كوميتەتىنىڭ باقىلاۋىمەن قازاقستانعا جەتكىزۋگە مۇمكىندىك تۋدى.
ۇلتتىق قاۋىپسىزدىك كوميتەتى ۇلىتاۋ وبلىسىنىڭ تۇرعىنىنا قاتىستى تەرروريزمدى ناسيحاتتاۋ، ءدىني ارازدىقتى قوزدىرۋ جانە لاڭكەستىك توپتىڭ قىزمەتىنە قاتىسۋ فاكتىلەرى بويىنشا قوزعالعان قىلمىستىق ءىس بويىنشا تەرگەۋ جۇرگىزدى، - دەپ حابارلادى ءباسپاسوز قىزمەتى.
ۇلىتاۋ وبلىسى ساتباەۆ اۋداندىق سوتى ەر ادامدى وسى قىلمىستاردى جاساعانى ءۇشىن كىنالى دەپ تانىپ، 6 جىلعا باس بوستاندىعىنان ايىردى. 2023 جىلدىڭ 22 قىركۇيەگىندە ۇكىم زاڭدى كۇشىنە ەندى.
