ۇلتتىق قاۋىپسىزدىك كوميتەتى تەرروريزمدى ناسيحاتتاۋ جانە ءدىني الاۋىزدىقتى قوزدىرۋ فاكتىسى بويىنشا قوستاناي قالاسىنىڭ تۇرعىنىنا قاتىستى قىلمىستىق ءىستى تەرگەپ-تەكسەرۋدى اياقتادى، دەپ حابارلايدى «ادىرنا» ءتىلشىسى.
«قوستاناي وبلىسىنىڭ ب.مايلين اتىنداعى اۋداندىق سوتى اتالعان قىلمىستاردى جاساعانى ءۇشىن ەر ادامدى كىنالى دەپ تانىپ، 7 جىلعا باس بوستاندىعىنان ايىردى»،—دەپ جازدى باسقارمانىڭ ءباسپاسوز قىزمەتى.سوتتالعان ەر ادام ءدىني-ەكسترەميستىك سيپاتتاعى بەينە روليكتەردى، تەراكتىلەردىڭ جانە كەپىلگە الىنعان ادامداردى ولىمگە كەسۋ كورىنىسىن، سونداي-اق حالىقارالىق تەرروريستىك ۇيىمداردىڭ سيمۆوليكاسىن ينتەرنەتتىڭ الەۋمەتتىك جەلىلەرىندە جاريالاعان. سوتقا دەيىنگى تەرگەپ-تەكسەرۋ بارىسىندا ونىڭ كىناسى تولىقتاي دالەلدەندى. 2023 جىلعى 20 قىركۇيەكتە ۇكىم زاڭدى كۇشىنە ەندى.
ۇقساس جاڭالىقتار
