قازاقستاندىق دزيۋدوشى ءابيبا ابۋجاقىنوۆا حانچجوۋدا (قحر) ءوتىپ جاتقان ازيا ويىندارىنىڭ كۇمىس جۇلدەگەرى اتاندى. وسىلايشا ەل قورجىنىنا ازيادانىڭ العاشقى مەدالى ءتۇستى، دەپ حابارلايدى «ادىرنا» ءتىلشىسى.
وتانداسىمىز 48 كەلىگە دەيىنگى سالماق دارەجەسىندە ونەر كورسەتتى.
فينالدا ءابيبا ابۋجاقىنوۆا جاپوندىق ناتسۋمي تسۋنودومەن كەزدەسىپ، ەسە جىبەردى.
ايتا كەتەيىك، جازعى ازيا ويىندارى حانچجوۋدا 23 قىركۇيەك پەن 8 قازان ارالىعىندا وتەدى. سپورتتىق دوداعا 45 ەلدەن 15 مىڭنان استام سپورتشى قاتىسىپ جاتىر. ولار سپورتتىڭ 40 تۇرىنەن 481 مەدال ءۇشىن كۇرەسەدى.
