شىمكەنتتىك "ورداباسى" كومانداسىنىڭ جارتىلاي قورعاۋشىسى اسحات تاعىبەرگەن "جىلدىڭ ەڭ ادەمى گولى" نوميناتسياسىمەن فەرەنتس پۋشكاش اتىنداعى حالىقارالىق فۋتبول فەدەراتسياسىنىڭ (فيفا) جۇلدەسىنە ۇمىتكەرلەر قاتارىنان كورىنۋدە، دەپ حابارلايدى "ادىرنا" ءتىلشىسى.
اسحات تاعىبەرگەن ءوزىنىڭ "ەڭ ادەمى گولىن" 23 ناۋرىزدا قازاقستان مەن دانيا قۇرامالارى اراسىنداعى ماتچتا 2024 جىلعى ەۋروپا چەمپيوناتىنا ىرىكتەۋ تۋرنيرىندە سوققان.
ەستەرىڭىزگە سالا كەتەيىك، قازاقستان قۇراماسى ءوز قارسىلاسىن 3:2 ەسەبىمەن جەڭگەن بولاتىن.
فەرەنتس پۋشكاش اتىنداعى حالىقارالىق فۋتبول فەدەراتسياسىنىڭ بۇل جۇلدەسىنە ۇمىتكەرلەر كوپ. ولاردىڭ قاتارىندا ارگەنتينالىق الۆارو باررەال، كولۋمبيالىق فۋتبولشى ليندا كايسەدو ("رەال"), پاراگۆايلىق حۋليو ەنسيسو ("برايتون"), كان سون دجين ("سەۋل"), اۆستراليالىق سەم كەرر ("چەلسي"), ۋرۋگۆايلىق برايان لوسانو ("پەنارول"), برازيليالىق گيلەرمە مادرۋگا ("بوتافوگو ريبەيران-پرەتو") جانە وزگە كلۋبتاردىڭ كىل مىقتىلارى بار.
ۇقساس جاڭالىقتار
