جوبا
كوركەم-دەرەكتى فيلم
اتى: «مەن قالاي رۋحاني جاڭعىردىم» (تۇراربەك قۇسايىنوۆتىڭ ومىرباياندىق كىتابىنىڭ جەلىسى بويىنشا)
جانرى: كوركەم-دەرەكتى.
ءتىلى: قازاقشا.
حرونومەتراجى: 80 مينۋت.
ماقساتى: فيلم ەكسترەميزم مەن تەرروريزمنەن، ءدىني راديكاليزمنەن ساقتاندىرادى، ءدىن مەن ءدىني يدەولوگيانىڭ اراجىگىن اشىپ كورسەتەدى. دەموكراتيا مەن ليبەراليزم قۇندىلىقتارىن، رۋحاني ەركىندىكتى ناسيحاتتايدى.
ءفيلمنىڭ قىسقاشا بايانى: فيلمدە ءوزىنىڭ ومىردەگى ورنىن ىزدەۋ جولىندا دەسترۋكتيۆتى ءدىني اعىمدار مەن راديكال ساياسي ۇيىمداردىڭ ىقپالىنا ءتۇسىپ، اداسىپ، اڭداماي وت باسقان، تۋىپ-وسكەن جەرىنىڭ پروبلەمالارىنا قاتتى قامىعاتىن پاتريوت جاس جىگىتىڭ قيىن تاعدىرى باياندالادى. تابىسى مول كەمە مەحانيگى ماماندىعىن تاستاپ، اقيقات ىزدەگەن ول مەدرەسەگە بارىپ ءبىلىم الىپ، مولدالىق قىزمەتكە كىرىسەدى. مۇنداعى ونى ماقساتى – اتىراۋداعى كۇردەلەنىپ كەتكەن ءدىني احۋالدى جاقسارتۋ، سىرتتان كەلگەن دەسترۋكتيۆتى ءدىني-يدەولوگيالارعا توسقاۋىل قويۋ بولاتىن. بىراق، مۋفتياتقا قاراستى مەشىت مولدالارى بۇل ىستە دارمەنسىزدىك تانىتتى. مۇنى بىلگەن ءفيلمنىڭ باس كەيىپكەرى باسقا ءدىني-يدەولوگيالىق ۇيىمدار مەن ءدىني يدەولوگتاردىڭ كومەگىنە جۇگىنبەك بولادى. ءوستىپ ءجۇرىپ ول بىرنەشە ءدىني ۇيىمعا كىرىپ، ونىڭ قاتارىندا بەلسەندى جۇمىس جاسايدى. بىراق، ءدىني ۇيىمداردىڭ ەشبىرى وعان ءدىني احۋالدىڭ كۇرمەۋىن شەشۋگە كومەكتەسە المايدى. ۇيىم ىشىندەگى ينتريگالار، سىرتقى كۇشتەردىڭ ىقپالى، ورتاعاسىرلىق داستۇرشىلدىك، ءبارى-ءبارى دەسترۋكتيۆتى يدەولوگيالارعا قارسى تۇرۋعا قاۋقارسىز، قوعامنىڭ رۋحاني جاڭعىرۋىنا سەپتىگى بولمادى. قايتا موماقان سانالىپ كەلگەن كەيبىر ۇيىمدار جەمە-جەمگە كەلگەندە ساياسي ماقساتتى كوزدەگەن راديكال ەكسترەميستىك قيمىلعا بەيىم ەكەنى انىقتالادى. سوندىقتان ءدىننىڭ اقيقاتىن ىزدەگەن باس كەيىپكەر بىرنەشە ۇيىمعا كىرىپ، كوپ ۇزاماي ودان كەتەدى.
باس كەيىپكەر قازاق قوعامىنداعى ۋرا-پاتريوتيزممەن استاسىپ جاتقان ناسىلشىلدىك، رۋشىلدىق، كسەنوفوبيا، ۋلتراپاتريوتيزم سياقتى ادامزات دامۋىنا كەدەرگى جاساپ كەلە جاتقان جات قىلىقتارمەن دە بەتپە-بەت كەزدەسەدى. ءسويتىپ ءجۇرىپ، ءتىپتى ونىڭ ءوزى دە ترايباليزم، ايماقشىلدىق سياقتى قوعامدىق كەسەلگە شالدىعادى. سەپارتاتيزمگە جانە مەملەكەتتىك قۇرىلىمدى كۇشتەپ وزگەرتۋگە شاقىرعان حاتتى تاراتامىن دەپ قىلمىستىق كودەكستىڭ بابىمەن سوتالىپ، ءومىرىنىڭ ءۇش جىلىن تۇرمەدە وتكىزەدى.
ءفيلمنىڭ باس كەيىپكەرى ءدىني-يدەولوگيالىق جانە ۇلتشىل ساياسي ۇيىمداردىڭ ىشىندە جۇرگەندە ءوزىنىڭ ارەكەتى مەن اينالاسىندا بولىپ جاتقان پروتسەستەرگە باعا بەرىپ، ونىڭ دۇرىسى مەن بۇرىس اجىراتۋعا، ويلانۋعا مۇرشاسى بولمادى. كەيدە قوعامعا قاۋىپتى جات ارەكەتتەرگە ءوزىنىڭ قارسىلىعىن بىلدىرگەنىمەن، ول كوبىنە سول پروتسەستەردىڭ تولقىنىندا قالبالاقتاپ اققان اعاشتىڭ جاڭقاسىنداي كۇي كەشەدى.
ءوزىنىڭ تاعدىرىمەن تىكەلەي بايلانىستى بولعان وقيعالارعا باس كەيىپكەر بىركىسىلىك تۇرمەدە التى اي جالعىز جاتقاندا عانا باعا بەرە باستايدى. اقيقات ىزدەپ، سانالى ءومىرىن رۋحاني تولعانىسپەن وتكىزىپ كەلە جاتقان ادامعا بوستاندىعىن شەكتەۋ، ونى تار كامەرادا ايلاپ جالعىز قالدىرۋ – ەڭ اۋىر جازا. مۇنداي كەزدە كەيبىر ادامدار جىندانىپ تا كەتەدى. بىراق باس كەيىپكەر ءبارىن كەرىسىنشە جاسايدى. ول قۇدايدىڭ ادامدارعا بەرگەن ەڭ ۇلكەن سىيىن – اقىلىن قايتا ىسكە قوسادى. وتكەن ومىرىندەگى بارلىق وقيعالارعا راتسيونالدى اناليز جاساي باستايدى. مۇنىڭ ناتيجەلى شىعۋى اقيقاتپەن تىكەلەي بايلانىستى. ءار نارسەنى ءوزىنىڭ اتىمەن اتاپ، «اناۋ رەنجيدى»، «مىناۋ كىسىنىڭ كوڭىلىنە تيەم-اۋ» دەپ ءبىر نارسەنى جاسىرىپ قالۋ عانا ەمەس، ءوزىڭ جاساعان قاتەلىكتى، جامان قىلىعىڭدى، بارلىق شىندىقتى جايىپ سالۋىڭ كەرەك. ءتىپتى كورسەقىزارلىق، ناپسىقۇمارلىق سياقتى ۇيات نارسەلەردى دە جاسىرىپ، ەشقانداي وقيعانى ءومىربايانىڭنان سىزىپ تاستاۋعا بولمايدى. ەموتسيانى بىلاي ىسىرىپ قويىپ، ءوزىنىڭ ساياسي مۇددەسىنە جەتۋدىڭ قۇرالى ەتپەكشى بولعان، تۇرمەگە قامالاۋعا سەبەپشى بولعان ادامدارعا دەگەن ىشتەگى بۇرىنعى ىزا مەن كەكتىڭ جالىنىن ءوشىرۋ دە قاجەت. سوندا عانا اناليز تولىققاندى بولىپ شىعادى، سەن وتكەن ومىرىڭە ءوزىڭ باعا بەرۋىڭە مۇمكىندىك تۋادى. مۇنداي تاۋەكەلگە بارۋ ءبىر جاعىنان ەرلىك بولسا، ەكىنشى جاعىنان ءوزىڭدى ءوزىڭ اياۋسىز جازالاۋ بولىپ كورىنەدى. وسىلايشا ءوزىن قۇرباندىققا شالا وتىرىپ جاسالعان اناليز ءوز ناتيجەسىن بەرەدى، نەنىڭ دۇرىس، نەنىڭ بۇرىس ەكەنىن انىقتاپ باعدار الۋعا جول اشىلادى. ءفيلمنىڭ باس كەيىپكەرى وسىنداي توقتامعا جەتەدى.
فيلم تۇسىرىلەتىن جەرلەر: اتىراۋ، الماتى، شىمكەنت، ستامبۋل، ءمادينا، نيۋ-دەلي، داماسك،بىشكەك.
ء(فيلمنىڭ بيۋدجەتى ءفيلمنىڭ ستسەناريى بويىنشا انىقتالادى) .
قۇرمەتتى وتانداستار!
قازاق قوعامىنداعى رەاكتسيوندى- دەسترۋكتيۆتى ورتاعاسىرلىق مونارحيالىق ءدىني جۇيەنى ناسيحاتتايتىن توپتاردىڭ دۇنيەتانىمى مەن ءىس-ارەكەتىن اشكەرەلەپ، راتسيونالدى اقىلعا نەگىزدەلىپ دەموكراتيالىق پرينتسيپتەردى تۋ قىلعان الەۋمەتتىك جوباعا (كوركەم-دەرەكتى فيلم) ۇلەس قوسام دەسەڭىزدەر سىزدەرگە تەك شەكسىز العىسىمدى بىلدىرەمىن. وكىنىشكە وراي قۇقىعىم مەن قارجىلىق فۋنكتسيالارىم شەكتەلۋىنە بايلانىستى
https://www.azattyq.org/a/kazakhstan-zaprety-osuzhdennye-175-statya/29535461.html
جەكە ەسەپ-شوتتى انامنىڭ اتىنان اشۋعا ءماجبۇرمىن.
ين: 380910400605
Kaspi Gold :5169493119844515
تۇراربەك قۇسايىنوۆ
"ادىرنا" ۇلتتىق پورتالى
