الماتى وبلىسىندا بالالار توزىعى جەتكەن مەكتەپتە ءبىلىم الۋدا دەيدى. بۇل تۋرالى orda.kz پورتالى جاريالادى، دەپ حابارلايدى “ادىرنا” ۇلتتىق پورتالى.
اقپارات بويىنشا، ەسكى مەكتەپ الماتى وبلىسى سارىبۇلاق اۋىلىندا ورنالاسقان. تۇرعىندار 100 جىلعا جۋىقتاعان ەسكى مەكتەپكە امالسىز بالالارىن بەرۋدە.
مەكتەپتە اسحانا دا، سپورت زالى دا جوق، سىنىپتار دا تاپشى. اپاتتى جاعدايداعى عيماراتتا 290 وقۋشى ءبىلىم الىپ، الداعى كۇننىڭ سۋىعىنان ساقتانىپ وتىر.
اتا-انالار بيلىك بيىلدان باستاپ جاڭا ءبىلىم وشاعىن سالۋعا كىرىسەمىز دەپ ۋادە بەردى دەيدى. الايدا قۇرىلىس ءالى باستالعان جوق. ويتكەنى قاجەتتى قۇجاتتار ءالى دايىن ەمەس.
ايتا كەتەيىك، بۇعان دەيىن ەلىمىزدەگى اپاتتى مەكتەپتەر تۋرالى وقۋ-اعارتۋ مينيسترلىگىنىڭ جاۋابىن جاريالاعان ەدىك.
