ءماجىلىس دەپۋتاتى ەرلان سايروۆ اتىراۋدا «امانات» پارتياسى جانىنداعى سىبايلاس جەمقورلىققا قارسى ءىس-قيمىل رەسپۋبليكالىق كەڭەسىنىڭ كوشپەلى وتىرىسىندا كۋاگەرلەردىڭ روپ وپەراتورىنىڭ سوڭعى بەنەفيتسيارى رەتىندە ءاليا نازارباەۆانى كورسەتكەنىن ايتتى، - دەپ حابارلايدى "ادىرنا" ءتىلشىسى پارتيانىڭ سايتىنا سىلتەمە جاساپ.
سايروۆ پارتيا كەڭەسىنىڭ قۇرامىندا بەلگىلى زاڭگەرلەر، مەملەكەت جانە قوعام قايراتكەرلەرى، پارلامەنت دەپۋتاتتارى بار ەكەنىن باسا ايتتى. ونىڭ ايتۋىنشا، سىبايلاس جەمقورلىققا قارسى ءىس-قيمىل كەڭەسى ءوز جۇمىسى بارىسىندا وڭىرلەردىڭ پروبلەمالارىنا عانا ەمەس، قوعامدا كەڭىنەن تالقىلانىپ جاتقان رەزونانس تۋدىراتىن ماسەلەلەرگە دە نازار اۋدارادى. وسى ورايدا كەڭەس توراعاسى «روپ وپەراتورىنا» قاتىستى ماسەلەگە نازار اۋداردى.
"ادىلەتتى قازاقستان شىندىققا جانە زاڭدى قاتاڭ ساقتاۋعا نەگىزدەلگەن. بارلىعى زاڭعا سايكەس بولۋى كەرەك. بارشامىزعا بەلگىلى، جاقىندا "روپ وپەراتورى" دەپ اتالاتىن ۇيىمنىڭ بىرقاتار باسشىلارى قىلمىستىق جاۋاپكەرشىلىككە تارتىلدى. سوت پروتسەسىندە كوپتەگەن كۋاگەرلەر سىبايلاس جەمقورلىق ارقىلى تابىلعان قاراجاتتىڭ تۇپكىلىكتى پايدا الۋشىسى ءاليا نازارباەۆا ەكەنىن كورسەتتى. بىراق سوت تا، باس پروكۋراتۋرا وكىلدەرى دە پروتسەسس بارىسىندا بۇل ازاماتتاردىڭ ۋاجىنە نازار اۋدارمادى»، - دەدى دەپۋتات.
سونداي-اق ول بۇل ماسەلە كەڭەستىڭ باقىلاۋىندا بولاتىنىن، باس پروكۋراتۋراعا ءتيىستى حات جولداناتىنىن باسا ايتتى.
