Májilis depýtaty Erlan Saırov Atyraýda «Amanat» partııasy janyndaǵy Sybaılas jemqorlyqqa qarsy is-qımyl respýblıkalyq keńesiniń kóshpeli otyrysynda kýágerlerdiń ROP operatorynyń sońǵy benefııary retinde Álııa Nazarbaevany kórsetkenin aıtty, - dep habarlaıdy "Adyrna" tilshisi partııanyń saıtyna silteme jasap.
Saırov partııa keńesiniń quramynda belgili zańgerler, memleket jáne qoǵam qaıratkerleri, parlament depýtattary bar ekenin basa aıtty. Onyń aıtýynsha, Sybaılas jemqorlyqqa qarsy is-qımyl keńesi óz jumysy barysynda óńirlerdiń problemalaryna ǵana emes, qoǵamda keńinen talqylanyp jatqan rezonans týdyratyn máselelerge de nazar aýdarady. Osy oraıda keńes tóraǵasy «ROP operatoryna» qatysty máselege nazar aýdardy.
"Ádiletti Qazaqstan shyndyqqa jáne zańdy qatań saqtaýǵa negizdelgen. Barlyǵy zańǵa sáıkes bolýy kerek. Barshamyzǵa belgili, jaqynda "ROP operatory" dep atalatyn uıymnyń birqatar basshylary qylmystyq jaýapkershilikke tartyldy. Sot proesinde kóptegen kýágerler sybaılas jemqorlyq arqyly tabylǵan qarajattyń túpkilikti paıda alýshysy Álııa Nazarbaeva ekenin kórsetti. Biraq sot ta, Bas prokýratýra ókilderi de proess barysynda bul azamattardyń ýájine nazar aýdarmady», - dedi depýtat.
Sondaı-aq ol bul másele keńestiń baqylaýynda bolatynyn, Bas prokýratýraǵa tıisti hat joldanatynyn basa aıtty.
