«ساعىندىم الماتىمدى» دەپ اتالاتىن مەرەكەلىك كەش 17 قىركۇيەكتە تولە بي مەن ابىلاي حان كوشەلەرىنىڭ قيىلىسىندا ورنالاسقان الاڭدا وتەدى.
بۇل كۇنى الاڭعا جينالعان كورەرمەن زاماناۋي قازاق مۋزىكاسىنىڭ ءۇش بۋىنىنىڭ ەڭ جارقىن وكىلدەرى – «مۋزارت»، قايرات نۇرتاس جانە ءسادرادديننىڭ ءبىر ساحنادا ونەر كورسەتكەنىنىڭ كۋاسى بولماق. بۇل ءۇش مىقتىنىڭ ۇلكەن ساحناداعى العاشقى كەزدەسۋى. ەلدىڭ سۇيىكتىلەرى، ميلليونداعان تىڭدارمانداردىڭ كۋميرى، ۋاقىتقا باعىنبايتىن اندەردىڭ ورىنداۋشىلارى قايتالانباس ەموتسيا مەن اتموسفەرا سىيلاۋعا دايىن.
وسى جەكسەنبىدە كبتۋ الدىنداعى الاڭدا كەلۋشىلەر ەرەكشە الماتىلىق vibe-ءتى سەزىنە الاتىن بولادى. بۇل كەش شىعارماشىلىقتىڭ، ەركىندىكتىڭ، جاستىقتىڭ، ساپالى مۋزىكانىڭ، جارقىن شوۋدىڭ ەستەلىگى بولماق.
وعان قوسا، مۋزىكا سۇيەر قاۋىمنىڭ نازارىنا سوناۋ 80-ءشى جىلداردان باستاپ بۇگىنگى كۇنگە دەيىن ەل اۋزىنان تۇسپەي جۇرگەن حيت اندەر ۇسىنىلماق. ونى ورىندايتىندار:
- «URKER» pop توبى, «ميۋزيكولا» توبىنىڭ ءسوليسى كارينا ابدۋللينا، «اي،اي،اي اق ساۋلەم» ءانىنىڭ ورىنداۋشىسى وكتەم التاەۆ;
- قازاق ساحناسىنىڭ جارقىن وكىلدەرى سايات مەدەۋوۆ، ءمادينا سادۋاقاسوۆا، باقىت شاداەۆالار;
- ەسترادا باعىتىن جانداندىرىپ جۇرگەن انشىلەر عازيزحان شەكەربەكوۆ، ءابدىجاپپار القوجا، باعلان ءابدىرايىموۆ، نۇرجان حالجان، ءمولدىر اۋەلبەكوۆالار;
- ساحنادا وزىندىك ورنى بار بەركۋت پەن ايشا، بەيبىت قورعان;
- زاماناۋي تولقىننىڭ وكىلدەرى تۇرار، ماچەنسكي، AyaFunk, يلحان بار.
سوڭعى جىلدارى قارقىندى دامىپ جاتقان قازاق مۋزىكاسىنىڭ تىڭدارمانعا بەرەرى كوپ. قانشاما ءان جاڭادان تۋىپ، قانشاما ءان قايتا جاڭاردى، كورەرمەن كوڭىلىنەن ءوز ورنىن تاپتى. «ساعىندىم الماتىمدى» سول قالىپتاسقان تەندەنتسيانى ايقىنداپ كورسەتەدى. ويتكەنى، الماتى - مادەنيەتىمىزدىڭ وتانى، مۋزىكاداعى ترەندسەتتەر، شىعارماشىلىقتىڭ باستاۋ الاتىن مەكەنى. مەرەكە الماتى قالاسى اكىمدىگىنىڭ ۇيىمداستىرۋىمەن وتەدى.
وسىنداي مەرەكەلىك كەشتىڭ كۋاسى بولۋعا شاقىرامىز.
وتەتىن جەرى مەن ۋاقىتى
· الماتى قالاسى، تولە بي – ابىلاي حان كوشەلەرىنىڭ قيىلىسىنداعى استانا الاڭى
· كونتسەرت open air فورماتىندا استىندا وتەدى.
· ساعات 17:00-دە باستالاتىن كەش تۇنگى 23:00-گە دەيىن جالعاسادى.
باق ءۇشىن بايلانىس ءنومىرى:
مەرۋەرت دەربىسباەۆا
+7 705 372 7755
