قازاقستاندا قىلمىس جاسادى دەگەن كۇدىكپەن 2372 ادام ىزدەۋدە ءجۇر. بۇل تۋرالى ينفورمبيۋرو جاڭالىقتار باعدارلاماسى جاريالادى، دەپ حابارلايدى “ادىرنا” ۇلتتىق پورتالى.
باس پروكۋراتۋرا وكىلدەرىنىڭ مالىمەتىنشە، ولاردىڭ 510-ى الاياقتىق، 318-ءى ۇرلىق جاساعان دەگەن كۇدىككە ىلىنگەن. ادام ولىمىنە قاتىسى بار 146 ادامعا ىزدەۋ جاريالانعان.
قاشىپ جۇرگەندەردىڭ ەڭ كوبى الماتى قالاسىنان. وندا ىزدەۋدە جۇرگەندەردىڭ سانى – 514. استانادا 185, شىمكەنتتە 155, الماتى مەن قاراعاندى وبلىستارىندا 140-قا جۋىق ادامعا ىزدەۋ جاريالانعان.
ال ەلىمىزدە ءىز-ءتۇسسىز جوعالىپ كەتكەن ازاماتتاردىڭ سانى 11 مىڭعا جۋىقتاعان. ولاردىڭ 77%-ى – 30-49 جاس ارالىعىنداعى ەر ادام، دەلىنگەن حابارلامادا.
ۇقساس جاڭالىقتار
